Accessibility links

шимбә, 10 декабрь 2016, Казан вакыты 08:24

AQŞ xärbiläre Ğiraqtağı äl-Qaidäneñ yaña citäkçese turında mäğlümätläre belän urtaqlaştı


AQŞ xärbiläre äl-Qaidäneñ Ğiraqtağı yaña citäkçeseneñ çın iseme Äbü Äyüp äl-Masri bulırğa tieş, häm ul Äfğänstanda künegülär ütkän mısır watandaşı dip belderde. Uzğan atnada AQŞ hawa höcüme näticäsendä äl-Qaidäneñ Ğiraqtağı citäkçese Äbü Musab äz-Zärqäwi hälak bulğannan soñ Äl-Qaidä Zärqäwi urınına Äbü Xämzä äl-Möhäcirneñ bilgelänüen iğlan itkän ide. General mayor William Caldwell äl-Masri Şäyx Äbü Xämzä äl-Möhäcir iseme belän yöri dip isäplibez dide. "Bez Äyüp äl-Masri turında şunı beläbez. Ul äl-Qaidäneñ Ğiraqtağı yuğarı citäkçese häm Zärqäwi belän turıdan turı bäyle keşe. Bez anıñ Süriädän Bağdadqa çit il suğışçıları ütep kerügä yardäm itü öçen cawaplı keşe buluın beläbez" dide Caldwell. Ğiraqnıñ yaña milli iminlek kiñäşçese Mowaffaq är-Rübäyi Zärqäwineñ üterelüe belän Ğiraqtağı terror oyışmasınıñ betüe başlandı dide.

XS
SM
MD
LG