Accessibility links

җомга, 9 декабрь 2016, Казан вакыты 03:17

Financial Times: Rusiä Yaqın Könçığışqa ğäräp telendä televidenie tapşıruları başlıy


Neft bäyäläreneñ yuğarı buluı säbäple Mäskäwneñ üz üzenä ışanıçınıñ yaña çağılışı bularaq Däwlät qaramağındağı xäbär agentlığı häm ingliz telendäge Russia Today televidenie kanalınıñ ximayäçese bulğan RİA Novosti ğäräp telendäge televidenie tapşırularına 35 million dollar bülü niäten rasladı. İspan telendä televidenie buldıru eşe inde bara.

Çit tellärdä xäbärlär tapşıruları başlaw öleşçä Mäskäw tarafınnan tänqitçän dip bäyälängän xalıqara tapşırularğa qarşı quyu öçen oyıştırılırğa oxşıy.

Sovetlar Berlege çit tellärdä radio tapşırularına häm kommunistk gazetlar çığaruğa yözlärçä meñ dollar ağızdı. Ämma Sovetlar Berlege betü belän propaganda maşinası da cimerelde.

Çit tellärdäge tapşırular Rusiäneñ ul sistemanı yañadan torğızu omtılışın kürsätüçe işarä bula ala. Üz eşçänlegen şoma ğına alıp baruçı Russia Today kanalında ingliz telen ana tele däräcäsendä belüçe xezmätkärlär könbatış tamaşaçısına räsmi Mäskäw säyäsäten dustanä häm tämläp täqdim itä.

Ämma Yaqın Könçığışta tamaşaçılarnıñ küñelen yawlaw öçen tiz barlıqqa kilüçe häm köndäşlär tulğan bazarda yarışırğa kiräk bulaçaq. Quşma Ştatlarnıñ 2004-nçe yılda oyıştırğan äl-Hurra kanalı töbäktäge 2 töp xäbär çığanağı Qatarnıñ Äl-Cäzirä televideniese belän Söğüdlärneñ Dubaydağı äl-Arabiası yanında köçsez köndäş bulıp çıqtı. Britaniädäge BBC da Ğäräp telendä televidenie buldırırğa äzerlänä. Yewropadağı başqa däwlätlärneñ dä bu turıda uylanuı turında xäbärlär bar.

Şulay da Äl-Cäziräneñ Mäskäw bülekçäseneñ elekke başlığı xäzer Rusiä kanalınıñ baş produserı Äkräm Xuzam ğäräp telendäge Rusiä kanalınıñ mömkinlekläre yaxşı bulaçaq di. Xäzer Amerika täesirendäge televidenie yäki islamçılar täesirendäge televidenie genä bar. Ägär dä yaxşı tapşırular eşläsäñ xalıq anı qarıyaçaq di Xusam.

Bu yaña proyekt Rusiä Yaqın Könıçışta üz täesiren arttırğan çaqqa turı kilä. Berektäşe Säddam Xösäinneñ baatçılar xakimiäte cimerelgännän soñ Mäskäw İran belän elemtälären kiñäytte. Ul şulay uq Yaqın Könıçışta tınıçlıq urnaştıru öçen oyıştırılğan, AQŞ, BMO häm Yewropa Berlegen dä üz eçenä aluçı Quartet törkemendä aktiv eşçänlek alıp bara.

Fälestindä xakimiätkä kilgän Xämas citäkçelären Fevral ayında Mäskäwgä çaqıruı belän Rusiä AQŞnıñ yarsuın çığardı. Küptän tügel ul BMOnıñ Tähranğa çikläwlär quyu mömkinlegenä dä qarşı bulıp kilde. Ämma bu ayda İrannı uran bayıtudan tuqtalırğa künderü öçen täqdim itelgän qısıqsındıru çaraların xuplap çıqtı.

Waşingtonnıñ açuın tağın da qabartıp Mäskäw şulay uq BMO İminlek Şurasında üzeneñ töbäktäge iñ yaqın berektäşe Süriägä xalıqara basımnı kimetüne dä yaqlap çıqtı. Rusiä saqlanu ministrlığı räsmiläre Mäskäwneñ Süriädä xärbi diñgez bazası tözüe turındağı xäbärlärne kire qaqtı.

Bıyıl Rusiä tabiği gazğa bay, häm Amerika belän xärbi xezmättäşlege arta barğan Cäzäir belän berniçä milliard dollarlıq saqlanu kileşüe imzaladı.

Rusiä tışqı eşlär ministrı urınbasarı Aleksandr Saltanov Mäskäwneñ maqsatı Yaqın Könçığışta AQŞnıñ köndäşe bulu tügel, bez köndäşlek turında söyläşergä telämibez, Bez Amerika belän xezmättäşlär dip belderde dielä Rusiäneñ ğäräp telendä televidenie tapşuları başlawğa äzerlege uñayınna Financial Times gazetında basılğan mäqälädä.
XS
SM
MD
LG