Accessibility links

якшәмбе, 11 декабрь 2016, Казан вакыты 01:15

Xalıqnıñ citäkçelärdä eşe yuq, çönki…


Çirattağı “Açıq mikrofon” Tatarstan xalqınıñ xäl-äxvällären belergä buldı. Çönki bezneñ radio da başqası citäkçe-türälärneñ qaya barğanın, närsä eşläwlären yış söyli. Ä bit xalıqnı citäkçelärneñ ni maytaruları kiräk tügel diärlek, çönki alarnı başqa problemalar, köndälek eş-mäşäqätlär borçıy. “Azatlıq” xalıqqa: “Tormışlarığız niçek, nindi mäşäqätlär belän yanıp yörisez, bügenge köndä sezne närsälär borçıy?” – digän soraw birde. Cawaplar tübändägeçä ide. Pensioner äbi: - Tegendä- monda yörep arıp bettem inde. Berqayda da yünle närsä yuq, bötenesendä çirat. Uf, ardım, öygä qaytıp beraz xäl alırğa kiräk. Urta yäşlärdäge abzıy: - Awıllarnı beraz kütärsennär. Keşelär awıllardan qaçmasınnar ide. Kitkännäre kire tuğan cirlärenä äylänep qaytsalar, awıllarğa bügen betü qurqınıçı yanamas ide! Yäş xanım: - Mine cännätkä niçek elägergä ikän digän soraw borçıy. Min mäçetkä dä yörim, comğa namazlarına da… Läkin böten xalıq üzlärenä dä, min dä cännätkä eläkmäs öçen eşli alğannıñ barsın da eşlilär, bu xaqiqät. Min äti-äni öçen dä, sezneñ öçen barsı öçen dä borçılam. Pensioner babay: - Xäzer bezgä qartlarğa bötenläy iğtibar bette. Pensiägä kilsäk, Rıyşkov yasadı barsına da, eşlägän keşegä dä, eşlämiçä kön ütkärgän keşegä dä. Bu bit tärtipsezlek, bolar bulırğa tieş tügel. Şäymiev monı tärtipkä kitersen ide. Eşçe xalıqqa xäzer bötenläy xörmät bette. Student qız: - Närsä inde bezgä, şul aqça citmi inde. Älegä äti-änineñ kesäsen buşatabız. Eş tabırğa ide, ezlim läkin tapmadım äle. Annarı uqu belän parallel' eşläp ikesenä dä ölgerep bulır mikän dip qurqam. Urta yäşlärdäge abzıy: - Menä balalarğa ğömer eçenä ber sirk kürsätergä alıp kildem äle. İptäşem belän şähärne kürsätäbez, başqa rayonda bulğaç yış kilä almıybız şul Qazanğa. Buxgalter xanım: - Aqça sanawçılarnıñ problemaları betmi inde alarnıñ. Şuşı könnärdä Kreml' qararğa barğan idek, Patruşov kilgän kön buldı, eçenä kerä almadıq. Böten eşçelär belän cıyılışıp kilgän bulsaq, başlarıbıznı asqa iep kire borılıp qaytıp kittek. Teatrda eşläwçe artist keşe: - İcat keşesen, spektakl'dä uynawçılarnı şul qädär mısqıl itälär, äytep betererlek tügel. Anı eş xaqı dip tä äytep bulmıy. Şul alama kiemnär kiep, tamaqnı tınıçlandırırlıq. Bezneñ Rusiädä gel şulay bulğan, monnan soñ äybät bulır dip kem ışandıra ala?... Röstäm İsxaqi

XS
SM
MD
LG