Accessibility links

якшәмбе, 4 декабрь 2016, Казан вакыты 05:11

“Mäxmütov uquları” yıl sayın uzaçaq


Plenar utırışta Tatarstan Premyer-ministrı urınbasarı Rawil Moratov, Amerikanıñ Al'-Paqo universitetı professorı, milläte belän törekmän bulğan Morat Çoşmanov, ğalimnär, rayonnardan mäğärif bülege xezmätkärläre qatnaştı. Älege konferensiäneñ oyıştıruçılarınnan berse bulğan “Sälät” fondı citäkçese, Mirza Mäxmütovnıñ uquçısı Cäwdät Söläymanov

Bu Ministrlar Kabinetı tarafınnan oyıştırıldı. Monda küp citäkçelär qatnaşa.

Konferensiädä akademik Mirza Mäxmütov üze qatnaşa almadı. Sälämätlege belän bäyle säbäple dip añlattılar. Läkin aña maqtaw süzläre küp buldı. Anıñ 16 xalıq, yäğni törle tellärdä 500дән artıq xezmäte dönya kürüe äytelde. Ul xezmätlär elek yazıluına qarаmastan bügen dä aktual' bulıp qaluı bilgelände. Xäzerge zamanda yäşlärneñ beleme berençe çiratta respublikanıñ iqtisadın üsterergä nigezlängän bulırğa tieş dip äytelde. Tatarstan Premyer-ministrı urınbasarı Rawil Moratov

Ul bezgä respublikada yäşlärneñ belem däräcäsen açıqlawçı, bäya birüçe laboratoriä oyıştırırğa kiräk dide. Bez respublikada innovasion tarmaqta, yäğni törle ideyälärne tormışqa aşıruda az eşlämibez. Soñğı waqıtta ideyälärne respublika iqtisadın üsterüdä qullanu buyınça da eşlär alıp barıla. Läkin respublikada yuğarı uqu yortları küp bulsa da, teoriä belän ğämäli eşne bergä quşıp ideyälärne tormışqa aşıruçılar az. Kiläçäktä Mirza Mäxmütov yärdämendä respublikada yäş intellektuallarnı açıqlaw laboratoriäse tözärbez.

Tatarstan Yäşlär eşläre, sport häm turizm ministrı Marat Barıyev yäşlärneñ belem däräcäsen açıqlawçı laboratoriäne “Sälät” respublika ictimaği fondı bazasında oyıştırıp bulır ide digän fiker belän çıqtı. Häm anı konferensiäneñ qararına kertergä täqdim yasadı. Çönki “Sälät” bügen näq şul tarmaqta eş itä dide ul. Monnan tış ul yaña programmalarğa da tuqtaldı. Plenar utırışta şulay uq küptän tügel oyışqan Federal' mäğärifne üsterü institutı citäkçese Faris Xarisov ta qatnaştı. Ul yaña institut turında söyläp kitte. Faris Xarisov

Federal' mäğärifne üsterü institutı qarşında RF milli mäğärif problemaların xäl itüçe üzäk bulaçaq. Xäzer anıñ konsepsiäse eşlänä.

Konferensiä azağında rezolyutsiä qabul itelde. Anda isä “Mäxmütov uquların” yıl sayın oyıştırırğa, sälätle mäktäp uquçılarına ike Mirza Mäxmütov premiäsen, şulay uq Mäxmütovqa Qazan şähäreneñ Maqtawlı keşese digän isem birü kiräk dip bilgelände.

Landış Xarrasova

бәйле язмалар

XS
SM
MD
LG