Accessibility links

сишәмбе, 6 декабрь 2016, Казан вакыты 11:08

Kaybışev östennän mäxkämä bara


Ufada Başqortstan Yuğarı mäxkämäsendä tanılğan tatar ğälime Oskar Kaybışev östennän mäxkämä däwam itä. Comğa könne anıñ çirattağı utırışı bulıp ütte. Bu utırış üzençä ber açış kiterde. Ğäipläwçe taraf Oskar Kaybışevnıñ xisaplarına çit il firmı tarafınnan 1 million dollar aqça küçerelüe turındağı doqumentlar tabıluı xaqında äytte häm ul doqumentlarnı mäxkämä materiallarına berketüne soradı. Oskar Kaybışev isä bu ğäipläwne kire qağa häm üzenä aqça küçerü turında yazılğan doqumentlarnı yalğan dip belderä.

Ğäepläwçe yaq isä Oskar Kaybışevqa çınlap ta çit il firmı ul tapşırğan texnoloğiälär öçen 1 million dollar aqça küçergän, dip bäyän itä häm ul aqçalarnıñ küpçelek öleşeneñ Kaybışev äfändeneñ çit il banklarındağı xisaplarda saqlanuın dälillärgä tırışa.

Şulay itep mäxkämädä yaña ğäipläwlär östälep tora. Ä kiläse utırış tağın ber atnadan soñ bula dip kileşende.

XS
SM
MD
LG