Accessibility links

чәршәмбе, 7 декабрь 2016, Казан вакыты 11:54

Çeçen ğisyançıları citäkçese Abdul-Xälim Sadullayev üterelde


Çeçnäneñ Argun şähärendä Rusiä maxsus köçläre operatsiäse näticäsendä Çeçen ğisyançıları citäkçese Abdul-Xälim Sadullayev üterelde. Çeçnäneñ Mäskäw yaqlı xökümäte başlığı Ramzan Qadirov Sadullayevnıñ yaqınnarınnan berse anıñ qayda buluın xakimiätlärgä citkergännän soñ Sadullayev üzeneñ tuğan şähäre Argunda üterelde dide. Çeçnäneñ bäysezlek yaqlı xökümäteneñ tışqı eşlär ministrı Äxmät Zakayev telefon aşa Azatlıq radiosınıñ Tönyaq Kafkaz bülegenä Sadullayevnı üterü säyäsi üterü buldı dip äytte. "Bügen irtän Rusiä maxsus köçläreneñ tağın ber säyäsi üterü qıluı raslandı. İçkeria Çeçen respublikası prezidentı Abdul-Xälim Sadullayev Argun şähärendä köçlär tigez bulmağan bäreleştä hälak bulğan. Anıñ belän bergä yanında bulğan 2 ozata baruçı da ülgän. Bu operatsiädä 3 meñläp xärbi qatnaşqan. Alar Abdul-Xälim Sadullayevnı totarğa telägän bulğan" dide Zakayev. Bıltır Rusiä köçläre Çeçen prezidentı Aslan Masxadovnı ütergännän soñ anıñ urınına Sadullayev bilgelängän ide.

XS
SM
MD
LG