Accessibility links

сишәмбе, 6 декабрь 2016, Казан вакыты 13:24

Tönyaq Koreanıñ raketa sınawı ütkärergä cıyınuı turında xäbärlär kire qağıla


Yaponiäneñ Kyodo xäbär agentlığı Tönyaq Korea räsmiläre raketa sınawı ütkärergä äzerlänüläre turındağı xäbärlärne kire qağa dip belderde. Bügen kiñküläm mäğlümät çaralarında irtägä Tönyaq Koreanıñ Quşma Ştatlarğa qädär barıp citärgä mömkin yıraq ara raketa sınawı ütkärergä cıyınuı turında xäbärlär bulğan ide. Kyodo agentlığı Tönyaq Koreanıñ Seulğa kilgän räsmiläre Könyaq Korea parlamentınıñ ber äğzasına Pxenyannıñ raketa sınawı ütkärü mömkinlege turındağı borçılular nigezsez dip äytkän dide. Tönyaq Korea yağınnan bernindi räsmi belderü dä bulmadı häm bu xäbärne bäysez raslaw mömkinlege älegä yuq. AQŞ belän Yaponiä Tönyaq Koreanı yıraq ara raketa sınawı ütkärü niätennän tıyılırğa çaqırdı. AQŞnıñ Yaponiädäge ilçese Thomas Schieffer Yaponiä tışqı eşlär ministrı Taro Aso belän oçraşudan soñ bu sınaw yaman häm provokativ ğämäl bulaçaq dide.

XS
SM
MD
LG