Accessibility links

якшәмбе, 4 декабрь 2016, Казан вакыты 17:18

Fälestin citäkçeläre Yewropa Berlegeneñ fälestinlelärgä yardäm planın tänqitli


Fälestin citäkçeläre Yewropa Berlegeneñ Xämas citäkçelegendäge xökümätne äylänep ütep fälestinlelärgä yardäm birü niäten tänqitläp çıqtı. Fälestin idaräse prezidentı Mäxmüt Abbas yaña yardäm mexanizmı alğa taba adım buldı, läkin ul xökümätneñ rolen betermäskä tieş dide. Xämas äğzası bulğan mäğlümät ministrı Yosıf Rizqa Yewropa fälestinlelärne bülgäläw maqsatındağı doşman säyäsäte alıp bara dip äytte. Kiçä Yewropa Berlege citäkçeläre yarlı fälestin ğailälälärenä bulışu häm zarur xezmätlärne eşlätü öçen 100 million euro birü qararın raslağan ide. Xakimiätkä kilgän Xämasnıñ köç qullanudan baş tartırğa häm İzrail däwläteneñ yäşäw xoquqın tanırğa telämäwe säbäple küp kenä xalıqara donorlar fälestinlelärgä yardämne tuqtattı.

XS
SM
MD
LG