Accessibility links

пәнҗешәмбе, 8 декабрь 2016, Казан вакыты 01:21

Slovakiä saylawlarında sullar ciñde


Slovakiädä kiçä ütkän parlament saylawlarınıñ berençel näticälärenä qarap sulçı Smer partiäseneñ ciñep çığuı iğlan itelde. Smer citäkçese Robert Fico bezneñ partiä xäzerge premyer ministr Mikulaş Dzurinda alıp barğan reformalarnı beteräçäk dide. "Bezneñ programma Slovakiädä kiñ yaqlaw taptı. Bu isä, ägär dä sotsial demokratlar xökümätkä kersä iqtisadnıñ alğa taba tärräqiät itäçägen añlata. Bu moña qädär bulğan kebek berniçä keşe öçen tügel, ä xalıqnıñ küpçelege öçen faydalıraq bulaçaq. Bu Slovakiäneñ sotsialräk häm ğädelräk ilgä äwerelüe öçen zur mömkinlek biräçäk. Çönki, ägär dä raslansa, berençel näticälär xökümätneñ sulğa borıluın añlata. Häm bayraq töbäklär belän yarlıraq töbäklär arasındağı zur büleneşkä cawap birü öçen teläktäşlek programması buldırılaçaq dide" Rico. Smer parlamentta küpçelekkä iä bulmıyaçaq. Ul 29 protsenttan az ğına kübräk tawış cıyğan. Dzurindanıñ Slovak demokratik häm xristian partiäse tawışlarnıñ 18 protsentın alğan.

XS
SM
MD
LG