Accessibility links

чәршәмбе, 7 декабрь 2016, Казан вакыты 19:32

Kaluga Sabantuyında Qazan artistları qatnaştı


Sabantuylar xäzer Rusiä töbäklärendä genä tügel, xätta dönyanıñ da qaysı cirendä genä ütkärelmi. Läkin menä Kalugada yäşäwçe 5 meñnän artıq millättäşlärebez tatar xalqınıñ milli bäyrämendä qatnaşudan bıyılğa qädär mäxrüm ide. Bıyıl isä älege Rusiä töbägendä dä Sabantuy oyıştırıldı. 18 yündä köndezge säğät 12 dä başlanğan bäyräm kiçkä qädär däwam itte. Şuşı xaqta bezgä Kaluga tatarlarınıñ milli-mädäni moxtariäte citäkçese Rawil Yax’yaev söyläde.

Sabantuy bezdä bıyıl berençe märtäbä ütkärelde. Bik matur itep ütkärdek, 2 meñ tiräse keşe kilgän ide. Bäyrämdä milli-mädäni moxtariät qarşında eşläp kilüçe Duslıq ansamble, başqa milli ansambl’lär qatnaştı, qazannan kilgän Dinä häm Rafail’ Latıypovlar, Röstäm zakirov xalıqnıñ küñelen açtı. Sabantuynı milli-mädäni moxtariät oyıştırdı, aqçalata yärdämne iğänäçelär kürsätte. Bäyrämdä keçkenä genä at çabışı da buldı, köräş tä uzdı. Köräştä ciñüçe urıs yegetenä bärän büläk ittek

Kalugadan Rawil Yax’yaev Azatlıq tıñlawçılarına şähärdä uzğan Sabantuyı xaqında söyläde häm bäyrämgä Qazannan artistlarnı cibärüdä bulışlıq itkän Bötendönya tatar kongressı citäkçelegenä räxmätlären belderde.

Gölnaz İlgizär

XS
SM
MD
LG