Accessibility links

шимбә, 3 декабрь 2016, Казан вакыты 18:49

Ğiraqta äl-Qaidägä bäyle törkem 2 amerikan soldatın totıq itep aluın belderde


Ğiraqnıñ äl-Qaidägä bäyle ber ğisyançı törkeme uzğan comğa könne Bağdadtan könyaqtağı Yosıfiä şähäre yanında yuğalğan 2 amerikan soldatın totıq itep alğanlığın belderde. İnternet säxifäsenä çığarılğan bu belderüdä östämä mäğlümätneñ aldağı könnärdä çığaçağı äytelä. Bu belderüne internetqa kem çığarğanın açıqlaw mömkin tügel, ämma ul Ğiraqtağı ğisyançı törkemnär belderüläre çığa torğan säxifägä çıqtı. Belderüdä bu waqıyğa AQŞ küzläwçeläreneñ köçsezlegen kürsätä dielä. Bügen Bağdadta AQŞ armiäse general mayorı William Caldwell ul ike soldatnı ezläw eşläreneñ köçäytelüen belderde. "8 meñnän artıq AQŞ xärbie, ğiraq armiäse häm politsiäse ul soldatlarnıñ ni xäldä buluın açılaw öçen bergäläp ezläw operatsiäse alıp bara. Bez mömkin bulğan barlıq çaralarnı qullanabız" dide Caldwell. Caldwell äytüençä, xärbilär ezläw barışında ber bäreleştä ğisyançı dip şiklänelgän 3 keşene ütergän, 34-ne totqarlağan. Ul bäreleştä 7 amerikan xärbie dä yaralanğan.

XS
SM
MD
LG