Accessibility links

якшәмбе, 4 декабрь 2016, Казан вакыты 05:07

Ğiraqta 2 amerikan soldatınıñ mäyete tabıldı


Ğiraqtağı AQŞ xärbie uzğan comğa könne ğisyançılar totıq itep alğan 2 amerikan soldatınıñ mäyetläre dip uylanılğan 2 mäyet tabıldı dip belderde. General Mayor William Caldwell bu mäyetlär düşämbe kiçendä Bağdadtan könyaqtağı Yosıfiä şähäre yanında tabıldı dide. Caldwell äytüençä, bu mäyetlär tikşerü öçen Quşma Ştatlarğa cibäreläçäk, älegä alarnıñ ülem säbäben açıqlaw mömkin tügel. Bügen Ğiraq saqlanu ministrlığı generalı Ğäbdel Ğaziz Möxämmät soldatlarnıñ mäyetläre alarnıñ azaplap üterelgänlegen kürsätä digän ide. Ğiraqta äl-Qaidägä bäyle ber törkem bügen internetqa çığarılğan iğlanda älege 2 soldatnı ütergänlegen belderde. AQŞ xärbiläre Bağdadtan tönyaqta Ğiraqtağı äl-Qaidägä bäyle 15 ğisyançı üterelde dip belderä. Bügen Ğiraqnıñ törle urınnarında ğisyançılar oyıştırğan şartlawlardan kimendä 10 ğiraqlı hälak buldı. Politsiä bügen 12 mäyet tabuın belderde. Alarnıñ barısında da azaplaw ezläre bar dielä.

XS
SM
MD
LG