Accessibility links

җомга, 9 декабрь 2016, Казан вакыты 12:49

Qazanda İslam nigezendä eşläwçe finans oyışmalar buldıru turında söyläştelär


Tatarstanda İslam bankı tözügä ixtıyac barmı häm ul bezneñ şartlarda eşli alırmı? Malayziä wäkile, yäğni İslam finansları buyınça Xalıqara belem birü üzäge citäkçese urınbasarı Sudin Harun Tatarstanğa şunı tikşerü öçen kilgän. Sudin Harunnı Tatarstannıñ säwdä häm tışqı iqtisadi xezmättäşlek ministrınıñ berençe urınbasarı Linar Latıypov qabul itte. Tatarstanda İslam nigezendä eşläwçe finans oyışmalar buldıru Linar Latıypov

Bezneñ öçen bu şaqtıy qızıqlı. Bez monı öyränäçäkbez.

Bilgele bulğança, İslam şartları nigezendä eşläwçe finans oyışmalar şaqtıy üzençälekle, çönki anda mäsälän kreditqa protsentlar bilgeläw tıyılğan. Möselmannarğa bu gönah sanala. Bu ber qaraşqa Rusiä şartlarında xätta añlaşılmıy da. Niçek inde protsentsız kredit bula ala. Şuña da qqaramastan mondıy banklar bar ikän. Häm anıñ konsepsiäse näq Malayziädä eşlängän. Oçraşularda äytelgänçä, älege banklar oyışqanğa äle 30 yıl tiräse genä.

Malayziä wäkile belän oçraşu «Linova» kompaniäse yärdämendä oyıştırılğan. “Linova” citäkçese Linar Yaqupov üze Malayziädä bu yunäleştä uqıp qaytqan. Linar Yaqupov

Bu eşmäkärlärgä faydağa bulaçaq. Möselmannar üz aqçaların quyu mömkinlege tua.

Oçraşuda bilgeläp uzılğança, İslam nigezendä finans oyışmalar buldıru Rusiä öçen bik faydalı bulaçaq. Çönki İslam illäre belän xezmättäşlek arta häm finans yunäleşne cayğa salu xezmättäşlekne tağın da ciñeläytäçäk.

Oçraşu azağında xezmättäşlek turında kileşü imzalandı.

Landış Xarrasova

XS
SM
MD
LG