Accessibility links

җомга, 9 декабрь 2016, Казан вакыты 11:00

Tatarça Windows XP täqdim ittelär


Windows XP tatar qolağına bu süz yatraq toyılsa da, tatar teleneñ zamança üseşe öçen ber kod kebek äyber ul. Tatar tele kompiterlarda da üssen, anı qullanu mömkinlege bulsın öçen, dönyada kampiter programmaları yasap tanılğan Microsoft şirkäte uzğan yılnı Tatarstan xökümäte belän kileşü tözegän ide. Şuşı kileşü nigezendä, ber yıl eçendä kampiterlar tatar telendä söyläşä başlarğa tieş ide. Häm menä ber yıl uzğaç, Rusiädä satılaçaq här sanaq ta , telägän oçraqta tatarça söyläşä başlıy. Yäğni, kampiterda eşlär öçen tatarça belü dä citä. Şuşı ğaäyät möhim häm qimmätle programmalar tuplanmasın, çärşämbedä Qazanda, Piramida mädäni-yal itü üzägendä täqdim ittelär. Microsoft şirkäteneñ Rusiädäge wäkile Ol'ğa Dergunova, Tatarstan xökümäte räise Röstäm Minnixanov, vitse premyer Zilä Wälieva, häm başqa yuğarı türälär älege çara da qatnaştı. Zilä Wälieva üzeneñ çığışında, Windows XPnıñ tatar telendägesen buldıru ul ädäbiät häm sänğät yılında Respublika öçen zur büläk dip belderde. Älege kampiter programmaların tatarlaştırunı inde bügennän ük tarixi dip atıylar. Äle bu soñı tügel. Şul uq Microsoft şirkäte, anıñ Rusiädäge wäkile Ol'ğa Dergunova süzlärenä qarağanda, kiläse yılda Windows Vista™ dip atalğan yaña programmaların tatarlaştırunı tämämlayaçakq. Kiläse yılda böten dönyada ğämälgä keräçäk, kampiterlar öçen Microsoft® Office 2007 dip atalğan ber ük waqıtta tatarça eşli başlayaçaq. Monnan tış, kampiterlarnı tatarlaştıru östendä eşlägändä buldırılğan urısça-tatarça süzlek tä alda bulaçaq tatarlaştıru eşlärendä nigez bulıp torır dip belderdelär täqdim itü çarasında.

XS
SM
MD
LG