Accessibility links

Кайнар хәбәр

Ufada Transort ministrı bulıp kitte


Ufada Rusiäneñ Transport ministrı İğor Levitin bulıp kitte. Ul Başqortstannıñ Rusiägä quşıluınıñ 450 yıllığı uñayınnan başlanğan tözeleş häm üzgärtep tözü eşläre belän tanışırğa kilgän ide. Ministr aeroport, timer yulı vokzalı, Duslıq yortı tözeleşlärendä buldı, yul tözekländerü eşläre belän tanıştı. Bu tözeleşlär öçen respublika bıyıl 4,5, aldağı yılda 6 milliard sum aqça üzläşterergä cıyına. Levitin federal'' qazna aqçasına tözelgän bina häm yullar federal'' milekkä küçerelgän yullarda ğına tözelergä tieş dide.

Transport ministrı kilgäç Ufanıñ üzäk uramnarında “bökelär” xasil buldı. Monıñ säbäbe federal'' ministr yörü öçen yullarnı yabu häm 20 iyün başqalada uzğan köçle yañğırlar säbäpçe.

Yañğırlar näticäsendä Oktäberneñ 50 yıllığı uramındağı “Optimarket”nıñ tübäsenä cıyılğan su säwdä zalına aqqan. “Mir” säwdä häm yal üzägeneñ berençe qatınıñ idänenä cıyılğan su 10 santimetrdan artqan. Tixoretskiy uramındağı terkäw palatası binası yanında sunıñ tiränlege yartı metrdan artqan. Bina yanına maşinalar da kilä almaw säbäple binadağı xalıq eş säğäte uzuğa qaramastan uramğa çığa almıy sunıñ çigenüen kötep yatqan.

XS
SM
MD
LG