Ğiraqnıñ elekke prezidentı Säddam Xösäinneñ ölkän advokatlarınnan berse Xämis äl-Ğöbäydine bügen üz öyennän politsiä kiemendäge keşelär alıp çığıp kitkännän soñ äl-Ğöbäydi atıp üterelgän.
Ul 1982-nçe yılda Dücäil awılında 140-tan artıq keşene üterüdä ğäyeplänep xökem itelüçe Säddamnıñ häm Säddamnıñ yarımtuğanı Barzan İbrahimnıñ advokatı ide.
Äl-Ğöbäydineñ mäyete Bağdadnıñ şığıylar yäşäwçe öleşendä uramda tabıldı.
Säddamnıñ ölkän advokatı Xälil äd-Düläymi.
"Xezmättäşebez, advokatlar törkemeneñ räis urınbasarı Xamis äl-Ğöbäydineñ üleme oçraqlı ğına waqıyğa tügel. Bu okupatsiädän soñ İrannan kilgän suğışçılar qılğan üterülärneñ berse. Alar xäzer yarsıdı. Äl-Ğöbäydineñ häm üterelgän başqa 5 xezmättäşebezneñ üleme öçen berençe çiratta häm barınnan da bigräk şul terrorçı suğışçılar häm şulay uq eçke eşlär ministrlığı ğäyeplde" dide äd-Dulaymi.