Keşe xoquqların yaqlawçı xalıqara oyışma Human Rights Watch Üzbäkstanda keşe xoquqların yaqlawçı 2 aktivistnı ozın möddätkä törmägä yabunı häm tağın ber xoquq yaqlawçını qulğa alunı tänqitläp çıqtı.
Üzbäkstan mäxkamäse Azamjon Farmonov belän Alişer Qaramatovnı 9 yıllıq törmä cäzasına xökem itte. İkençe könne Yädgär Turlibekov qulğa alındı.
Human Rights Watch Üzbäkstan xakimiätläre tağın keşe xoquqların yaqlawçılarnı ezärlekläw aşa başqaça fikerläwçelärne bastırırğa teli dide.