Accessibility links

дүшәмбе, 5 декабрь 2016, Казан вакыты 05:34

Yukosnı tulısınça Rosneftkä satu planı bar


Yukos Şurası räise Viktor Geraşenko 21-nce iyündä aksionerlarnıñ yıllıq ciılışında, şirkätneñ kiläçägen Vatan Suğışı başlanır aldınnan bulan vazğiät belän çağıştırdı. Ul ber kem dä suğış bulır dip kötmägän ide . Min dä şulay uq Jukos belän närsäneñ bulaçağın äytä almıym dide. Rusiädä 22nçe iyün Natsi Germaniseneñ Sovetlar Berlegenä basıp kerüe belän İkençe Dönya Suğışı başanğan kön dip xisaplana. Geraşenkonıñ bu çığışı häm Yukosnıñ xäle turında İnternational Herald Tribun gazetasında basılıp çıqqan maqälä.

Gazetanıñ yazuına qarağanda, Geraşenko Yukosnıñ xälen İkençe Dönya suğışınnan elekke vazğiät belän çağıştıru belän genä çiklänmägän , ul Yukosnıñ qalğan milken berämläp satu urnına , anı Rosneftke satunı da täqdim itkän. Üz vaqıtında Rusiäneñ iñ ere nefte şirkäte dip xosaplanğan Yukosnıñ ul vaqıttağı qimmäte 40 miliard dolar dip xisaplana ide. Kreml belän bäxäskä kergännän soñ politik motivlar belän quyılğan salım taläbe anı bu yılda bölgenlekkä töşerde. Xökümät anıñ iñ zur öleşen 2004-nçe yılda üz qulına aldı. Şulay da qalğan milkäte, qayber nefte yatmaları , nefte eşkärtü urınnarı häm benzin stansiäläre äle dä miliadlağan dolar qimmätendä dip xisaplana. Yukos mäsäläse G-8lekneñ summitı aldınna ğına yañadan kütärelep çıqtı. AQŞ belän Yevropa xosusi şirkätlärneñ industriädä zurıraq rol uynaularına yul quyuı öçen Rusiägä basım yasıylar. Rusiä Üzäk Bankınıñ elekke citäkçese Geraşenkonıñ bu belderüe qayber küzätüçelärneñ Yukosnıñ qalğan öleşe yaqın kiläçäktä dävlätkä satılaçaq digän farazlarınıñ buşqa bulmauın işarä itä. Läkin, Yukosnıñ Londondağı menecmenteneñ süzçese Clair Davidson Geraşenkonıñ belderüeneñ ähämiäten kimetep kürsätte häm Yukosnı bölgenlektän çığaru planı bar häm anıñ milkeneñ qimmäte dä yuğarıraq dip belderde. Yukos menecmentı häm direktorlar Şurası şirkätne bölgenlekkä töşkän dip xisaplamıy dide Davidson. Anıñ süzlärençä, citäkçelek Yukosnıñ bügenge xäle öçen Rusiä federatsiäseneñ qanunsz çaraları säbäpçe dip xisaplıy. Yukosnıñ üz eçendä dä problemalar bar. Yukosnıñ xucası Xodorkovskiy Seberde 8 yıllıq xezmät lagerı cazasın üti. Yukosnıñ töp amerikan başqarmaçısı Steven Theede 2004-nçe yıldan birle Londonda yäşi. Bu yılnıñ yazında Yukosnıñ Rusiädäge citäkçelege üzen nefte çığaru, eşkärtü häm produksiä bülegeneñ cavaplısı dip iğlan itte. Londondağı citäkçelär moña anıñ xoquqı yuq dip protest belderdelär. Geraşenko isä Mäskävdä aksionerlar cınında yazağan çığışında iñ yaxşı çara Yukosnı tulısınça dävlät kontrolendäge Rosneftke satu dip belderde. Ul şulay uq Londondağı menecerlärneñ protestına qağılıp, Theede üzeneñ urnında qala, läkin, köndälek mäsälälärne Londonna torıp xäl itep bulmıy dip üzeneñ pozitsiäsennän vaz kicmägän buluın da añlarğa birde dielgän İnternational Herald Tribunneñ maqäläsendä.

Färit İdelle, Praga.
XS
SM
MD
LG