Accessibility links

җомга, 9 декабрь 2016, Казан вакыты 04:59

Waşington Tährannıñ cawabın irtäräk işetergä teli


Quşma Ştatlar İrannı uran bayıtudan tıyılırğa künderü maqsatındağı xalıqara täqdimgän Tährannıñ cawabın irtäräk işetergä teläwen belderde. Kiçä İran cawapnıñ 22-nçe avgustta bulaçağın äytkän ide. AQŞ däwlät iminlek kiñäşçese Stephen Hadley cawapnıñ irtäräk kilüe İrannıñ atom programmasına bäyle nizağnı çişü söyläşülären alğaraq etärer ide dide. Hadley cawapnıñ 29-nçı yündä Mäskäwdä ütäçäk töp illärneñ tışqı eşlär ministrları oçraşuına häm 15-nçe yüldä Piterburda açılaçaq Sigezlek citäkçeläre oçraşuına qädär kilüe yaxşı bulır ide dide. Genevada BMO general sekretare Kofi Annan İran xalıqara täqdimgä bik citdi qarıy dip isäpläwen belderde. İran tışqı eşlär ministrı Manuçir Mottaqi belän oçraşudan soñ Annan İran yül urtasındağı Sigezlek sammitınnan soñ cawap birergä oxşıy dide. Yewropa Berlegeneñ tışqı säyäsät öçen cawaplı yuğarı wäkile Javies Solana İrannıñ atom söyläşüläre törkemen citäkläwçe wäkile belän bu atnada tağın ber märtäbä oçraşırğa cıyınuın äytte.

XS
SM
MD
LG