Accessibility links

сишәмбе, 6 декабрь 2016, Казан вакыты 13:25

İlham Aliev Tawlı Karabax nizağı aradaşçıların ömetsez dip bäyäli


Azärbäycan prezidentı İlham Aliev xalıqara aradaşçılarnıñ Azärbäycan belän Ärmänstan arasındağı Tawlı Karabax nizağın çişü tırışlıqların ömetsez dip bäyäläde. Aliev monı Baqıda Azärbäycan yuğarı xärbi akademiäseneñ çığarılış tantanasında çığış yasağanda äytte. Aliev Azärbäycan barı tik küpçelegen ärmännär täşkil itkän Tawlı Karabaxnıñ Azärbäycan qaramağında qaluı turında söyläşergä genä äzer dide. Azärbäycan prezidentı äytüençä, xalıqara aradaşçılarnıñ uñışsızlığı anı üs säyäsäten üzgärtergä mäcbür itä. Ul Azärbäycan ni xaqına ğına bulmasın Tawlı Karabaxnı üzenä qaytaraçaq dide. Aliev şulay uq Ärmänstannı kisätep Azärbäycannıñ arta baruçı neft keremnären qorallı köçlärne nığıtuğa biräçägen belderde.

XS
SM
MD
LG