Accessibility links

Кайнар хәбәр

Filippinda ülem cäzası beterelde


Filippin prezidentı Arroyo bügen ildä ülem cäzasın beterü turındağı qanunğa qul quydı.

"Ülem cäzasın beterü – waxşi ğämällärgä yul açır dip borçılğannarnı tınıçlandırasım kilä. Bez zur cinäyätlär qıluçılarnı ülemgä tartu urınına, alarnı buldırmaw öçen quldan kilgänne eşliäçäkbez. "

Arroyo şulay uq, küpçelegen katoliklar täşkil itkän Filippin xalqına, ülem cäzasınnan yıraq torırğa alla quşa, dip belderde. İrtägä prezident Arroyo Vatikanğa kitä. Qayberäwlär anıñ, ülem cäzasın beterü turındağı qararnı näq xäzer imzalawın katolik çirkäwenä yaqınlaşu tırışlığı dip täñqitläde. Yaña qanun, ülemgä xökem itelgän 1200dän artıq totqınnıñ ğömeren saqlap qalaçaq.
XS
SM
MD
LG