F.Xösniev qarşı aldı, alarğa militsiä Muzeen kürsätte, maxsus otryadlarnıñ künegüläre belän tanıştırdı. Bilgele, İzrail'' politsiäse muzeylar qararğa, qul suğışların küzätergä genä kilmägänder. Tulıraq mäglümät alu öçen "Azatlıq" xäbärçese eçke eşlär idäräse matbuğat üzägenä möräcäğät itte. Biredä dä älläni küp süz äytelmädelär. "İzrail'' yağı Çallını öyrätteme, yäki, kiresençäme digän sorawğa cawap alınmadı. Şulay da, terroristlar belän köräşüdä spetsifik alımnar xaqında belgeçlär arasında ğına söyläşü buluı bäyän itelde. İzrail'' politsiäse wäkilläre şunı da assızıqlağannar, alarnıñ üzläre, maxsus alımnarı xaqında keşelärgä niqadär azraq bilgele bulsa, xezmätläre uñışlıraq bara ikän. İke däwlätneñ tärtip saqçıları oçraşuı xaqında eçke eşlär idäräse matbuğat üzäge xezmätkäre Artur Mullin qısqa ğına itep bolay dide:
- İzrail'' yağı Tatarstan militsiäse eşen iğtibar belän küzätte.
Çallıda bulğannan soñ qunaq politseyskilar Alabuğa militsiäse eşe belän dä tanıştılar.
Ğafiulla Ğaziz, Çallı
