Ğäräp liğäsınıñ general sekretare Ämer Musa Ğiraq citäkçelegeneñ ildäge çualışlarğa çik quyu maqsatında tatulaşu planı buldıruın xuplap çıqtı. Ämer Musa süzlärençä älege plan Ğiraqtağı bar säyäsi törkemnär arasında da çın wä häryäklı dialoğ başlaw öçen yaxşı mömkinlek bulıp tora. Ul şulay uq älege tatulaşu planı ilneñ yaña qorallı köçläre äzerlegen arttırıp Ğiraqtan çit il ğaskärlären dä çığaruğa da yärdäm itär dip ömetlänä. Älege plannı premer ministr Nurıy Kamil Äl-Mäliki yäkşämbe könne iğlan itkän ide. Bu atnada anı parlament äğzaları tikşerä başlayaçaq dip kötelä.
