Accessibility links

Кайнар хәбәр

“Sälät”neñ “Rawşan”ı başlandı


Tatarstannıñ “Sälät” yäşlär fondı, lagerı kiñ xalıq massasına tanış lager. Ul inde berniçä yıllar eşläp kilä. Küp kenä yäşlärne dönyağa tanıttı, yaña proyektlar belän çığa tora. Şul uq tel mä’säläse, zamança texnologiälärne öyränü - kamilläşterü, kompyuter tatarçalaştıru buyınça häm başqa xäyran ğına uñışları bar. Bıyıl isä “Sälät”tä 8 alan bulaçaq, 7 Tatarstanda, berse Anapada. Tatarstanğa kilgändä, “Sälät”neñ citäkçese Cäwdät Söläymanov söyli: - Tatarstanda şuşı könnärdä berençe “Rawşan” digän alanıbız eşli başladı. Bu Qazannan 30-40 çaqrım yıraqlıqta, İdeldän 3 kilometrlarda urnaşqan “Yoldızlıq” isemle yäşlär ministrlığı alanı. 210 bala öçen oyıştırdıq bu alannı. Monda bez här yılnı cıyabız törle bäygelärdä, olimpiadalarda ciñgän balalarnı. Bıyıl şulay uq 40-45 keşelek ingliz alanı da bulaçaq bezneñ “Sälät” eçendä. Tulayım alğanda bu tatar möxitle alan. Uqular da berniçä bulaçaq. İngliz-lingviztikadan qala jurnalistika, tatar tele, tatar dönyası, matematika-informatiqa, kompyuter mäktäbe, psixologiä däresläre. Menä şular barısı da bergä ürelep baraçaq. 18 kön anda balalar uqıyaçaqlar, yal itäçäklär, festival'dä qatnaşaçaqlar. Şunda bezneñ 7 alan bergä berläşep zur bäyräm oyıştırabız, anda äti-änilär dä qatnaşaçaqlar. Billärdä bıyıl “Sälät”neñ 10 cıyının uzdıraçaq. Ägär “Azatlıq”nı tıñlawçılarnıñ teläge bar ikän, räxim itsennär! Cäwdät Söläymanov äytkänçä, “Rawşan” - ul törki isem, saf çişmä mäğnäsendä. Dimäk bu saf aqılğa tartılğan, milli ruxlı balalarnıñ cıyılğan cire, yal alanı bulırğa oxşağan. Röstäm İsxaqi
XS
SM
MD
LG