Accessibility links

шимбә, 3 декабрь 2016, Казан вакыты 05:40

Tatarstanda din iregen AQŞ tikşerä


Tatarstan Prezidentı Mintimer Şäymiev Qazan Kirmänendä Amerika quşma ştatlarınnan kilgän ber törkem belgeçlär belän oçraştı. Quşma ştatlarda din iregeneñ xalıqara problemnarı komissiäse eşläp kilä. Menä şul komissiäneñ başlığı Maykl Kromarti , anıñ urınbasarı, Quşma ştatlarnıñ Rusiädäge ilçelege wäkile Tatarstanda din iregeneñ ni xäldä ikänen tikşerep wä öyränep yörilär. Şäymiev belän küreşkändä, alar bik qänäğät bulğan ikän . Şulay dip däwlät qaramağındağı jurnalistlar yaza. Quşma ştatlarnıñ wäkilläre Qazanda Rusiä islam universitetında, Qol Şärif mäçetendä, Blagoveşçenie çirkäwendä bulğananr, möfti, ärxäräylär belän küreşkännär. Din irege bar digän näticägä kilgännär. Tögälräk näticäne soñınnan yasayaçaqlar ikän. Ä elegräk, Quşma ştatlarında, dönyada din irege turında ber doklad belän çıqqannar ide. Anda, Tatarstanda qayber sektalarnıñ irege qısıla dip tä belderelgän ide. Qazanğa kilgänçe, alar başta Mäskäwdä häm Piterburda bulğannar.

XS
SM
MD
LG