Accessibility links

якшәмбе, 11 декабрь 2016, Казан вакыты 01:15

Qazan astında turistlar öçen tatar awılı barlıqqı kilüe ixtimal


Räsmi bulmağan xäbärlärgä qarağanda, Qazan tiräsendä Tatarstan xökümäte ber ürnäk tatar awılı tözergä cıyına. Mondıy etno-milli awıllar bik küp illärdä bar. Döres, Qazanda da tuğan awıl dip atalğan tulı ber kompleks 'bar. Läkin tıştan awıl bulsa da ul, eçtän bötenläy inde şähär. Kazino, restoran häm başqalar. İnde menä tağın berse ğädäti awıl bulırğa tora. Tatarstan räsmiläre başta mondıy turistik awıllarnıñ çit töbäklärdägese belän tanışırğa bulğan. Piterburdağı Sabantuydan soñ, Tatarstan vitse-premyerı- mädäniät ministrı şundıy awıllarnıñ berse belän Leningrad ölkäsendä tanışqan. Anısı urıs awılı. Piterburğa, ürnäk urıs awılın qararğa ğına yörmi Tatarstan türäläre. Vitse-premyer- mädäniät ministrı Zilä Wäliewa, qayber çığanaqlarğa qarağanda, ber yıl eçendä Piterbur- Qazan suqmağın distägä yaqın taptağan. Şuşı säfärlär näticäsendä xäzer Qazanda Ermitaj üzäge eşläp tora, ä Piterbur urtasında Ğabdulla Tuqayğa häykäl tora. Bu könnärdä genä, Piterburdağı Sabantuy qısalarında, bu häykälne açu tantanası da buldı. Tatarstannan anda ber törkem wäkillär qatnaştı. Delegatsiä sostavında Tatarstan premyerı Färit Möxämmätşin da, vitse-premyer- mädäniät ministrı Zilä Wälieva da bar ide.

XS
SM
MD
LG