Accessibility links

шимбә, 3 декабрь 2016, Казан вакыты 07:37

Xalıqara cämäğätçelek Rusiä diplomatlarınıñ üterelüen kisken tänqitli


Ğıyraqta Rusiäneñ dürt diplomatı üterelgänlektän Rusiä Berläşkän Millätlär Oyışmasınıñ İminlek Şurasın kiçekmiçä cıyunı taläp itä. Düşämbe könne Rusiäneñ tışqı eşlär ministrlığı Fedor Zaysev, Rinat Ähliullin, Anatolíy Smirnov häm Oleg Fedoseyevnıñ üterelgänlegen rasladı. Alar 3 yün könne Bağdatta totıq itep alındı. Alarnı urlağan “Ğıyraqtağı möcähitlär şurası” törkeme Rusiädän Çeçnyädağı ğaskärlärne çığarunı häm törmälärdäge möselmannarnıñ barsın da azat itüne taläp itte. Mäskäwdä rusiäneñ ilçeläre kiñäşmäsen açıp tışqı eşlär ministrlığı başlığı Sergey Lawrov bolay dide: “Bez äle yaña ğına zur yuğaltu kiçerdek. Bezneñ iptäşlär, Rusiä ilçelegeneñ Bağdattağı xezmätkärläre Ğıyraqta terror qotıruınıñ qorbannarı buldılar”. Xalıqara cämäğätçelek Rusiä diplomatlarınıñ üterelüen kisken tänqıytläde. Berläşkän Millätlär Oyışması General' sekretare Qöfi Annan, Quşma Ştatlar häm şulay uq törle il häm oyışma wäkilläre bu qayğını urtaqlaştı.

XS
SM
MD
LG