Accessibility links

Кайнар хәбәр

Çallı uramnarı küzätü astında bulaçaq


Çallıda, Alabuğada İzrail' politsiäse bulıp, Tatarstan militsiäse belän terrorğa qarşı köräşüdä täcribä urtaqlaşu buyınça söyläşülär buluın xäbär itkän idek. Ozaq ta ütmäde, Çallıda terrorğa qarşı köräş komissiäse üzeneñ utırışın ütkärde. Anda şähärneñ predpriätielär häm oyışmalar, köç strukturaları xezmätläreneñ citäkçeläre çaqırılğan ide. Utırışnı alıp baruçı, terrorğa qarşı köräş komissiäse räise, şähär xäkime urınbasarı Wasıyl Şäyxraziev, älege çaranı plan buyınça ütkärelä, dide. Biredä, cämäğät tärtiben saqlaw, cämäğätçelekneñ, möhim ob'yektlarnıñ qurqınıçsızlığın tä'min itü turında süz buldı. Eçke eşlär idäräseneñ cämäğätçelek qurqınıçsızlığı belege başlığı Danis Sadıykov başqarılğan eşlär buyınça xisap totıp, uñay häm tiskäre yaqların kürsätte. Anıñ äytüençä, keşelärneñ qurqınıçsızlığın tä'min itüdä şäxsi berläşmälärgä basım yasaw bik awır. Alar, signal birüçe, küzätep toru mömkinlege birgän cihazlarnı urnaştırudan baş tartalar., moña aqça sarıf itärgä telämilär ikän. Läkin, dide, Wasıyl Şäyxraziev, bu çaralar şähär xalqı mänfäğätendä häm irtäme soñmı terrorğa qarşı komissiä taläplären ütärgä turı kiläçäk. Şundıy misal da kiterelde, şähärneñ zur ber kibetendä, xärbi kiemnän bulmağan militsionerlar bädräftä şartlatqıçqa oxşağan caylanmalar salınğan paket qaldıralar. Kibet saqçıları älege yalğan şartlatqıçnı 10 minuttan soñ ğına kürep, tawış kütärälär. Şulay uq, Çallınıñ su cıyu qorılması, söt kombinatı, sıra zavodı citäkçeläre niçä signal häm küzätü caylanması, küpme qarawıl buluı xaqında söylädelär. Su cıyu qorılmasın, mäsälän, 100 dän artıq xärbi qarawılçı, 15 et saqlıy ikän. Naçar uy belän yörgän keşelär saqlıq çaraları xaqında belergä, terrornıñ barıp çıqmawın añlarğa tieşlär, digän fikerlär äytelde. Şunısı da mäğlüm buldı, yaqın aralarda keşe küp bula torğan urınnarğa küzätü caylanmaları quyılaçaq. Moña stadionnar da, yal itü urınnarı da, bazarlar da kerä. Şulay uq, transport tuqtalışlarında da mondıy küzätülär bulaçaq. Menä şuşı süzlär utırış zalında uq qayberäwlärdä rizasızlıq tudırdı - yänäse, härber adım küzätü astında bulaçaq, şul buldımı demokratiä ? Älbättä, alar bu süzlärne ber - berseneñ qolaqlarnı ğına pışıldadılar. Çınnan da, uramğa küzätü caylanmaları quyu keşe xoquqların bozamı. Azatlıq xäbärçese bu sorawnı sit illärdäge şaxmat turnirlarında qatnaşqan, Çallı şaxmat klubı direktorı, Viktor Gonçorovka da birde. Grossmeysternıñ cawabı mondıy :

- Konbatıyşnıñ ere şähärlärdä küreneş küptän ğämäldä. Bügen cıyılğan xalıq ber genä närsä teli - şähärebez tınıç bulsın. Älegä bez telägänebezgä ireştek. Monda zur xoquq bozular yuq. Yuridik häm ğämäli xoquqlarıbız bar. Yuridik yaqtan qarağanda, qarşılıqlı fikerlär bar. Ä menä şähär xalqı qurqınıçsızlığı öçen ğämäli çaralarnı, yäğni, videoqüzätülärne buldırırğa kiräk. Bu Çallı şaxmat klubı direktorı V.Gonçarov fikere buldı. Uramnarnı küzätülär quyu xaqında bu säğätkä kiñ cämäğätçelekkä bilgele tügel ide. Alar üz fikerlären utırış qararı bilgele bulğaç äytergä mömkinnär.

Ğafiulla Ğaziz

XS
SM
MD
LG