Accessibility links

Кайнар хәбәр

Xämäsneñ 60 äğzası qulğa alınğan


İzrail xärbi citäkçelege Fälästin autonomiäse witse-premerı Nasıyr Şayırnı toqarlağanlığın rasladı. Könbatış yarda İzrail xärbiläre Xämäsneñ 60 tan artıq äğzasın qulğa aldı. Alar arasında parlamentnıñ 20 wäkile, 8 ministr häm şulay uq şähär xakimiate başlıqları bar. Xämäs wäkile bu xälgä kisken protest belderde: “Fälästin xökemätenä häm parlament äğzalarına qarata bulğan mondıy repressiane bik qurqınıç xäl dip atarğa bula. Bu- xalıqara cinayät. Bu- fälästin xalqına qarşı açıq suğış iğlan itü”,- dide Xämäs wäkile. Şulay buluğa qaramastan, İzrail Ğaza sızığındağı operasiasen köçäytä. Ğaskärlär 25 nçe yündä fälästin suğışçıları totıq itep alğan Gilad Şalidnı tabıp azat itergä tırışa. Könbatış yarda tağın ber totıq- 18 yäşlek Eliax Aşerinıñ üle gäwdäse tabıldı. Bügen Rim Papası Benedikt 16 nçı Vatikandağı rezidensiase täräzäsennän çığış yasap izrail-fälästin nizağın tınıç yul belän çişergä çaqırdı.
XS
SM
MD
LG