Accessibility links

якшәмбе, 11 декабрь 2016, Казан вакыты 09:13

Soğud Garäbstanı belän Tatarstan jurnalistları arasında elemtälär arta


Soğud Garäbstanınıñ mädäniät häm mäğlümat ministrı belän bergä oçraşuğa älege ilneñ Xalıqara mäğlümat, xalıqara mönäsäbätlär ministrı urınbasarları häm başqa wäkillär kilgän ide. Tatarstan yağınnan isä “Tatar-inform”, “İntertat”kebek elektron mäğlümat çaraları Watanım Tatarstan”, “Qazanskie vedomosti”, “Mäğrifät” gazetaları, baş möxärrirläre qatnaştı.

Garäbstan ministrı Ayad Mädäni berençe çiratta säfärneñ maqsatı turında söyläde. Rusiäneñ mädäniät ministrlığı çaqıruı nigezendä tanışırğa dip kilgännär ikän. Berniçä kön Mäskäwdä bulğannar. Ämma Qazan belän tanışu teläge dä zur bulğan. Läkin äle “İdel” yılğasın kürä alğan yuq dip şayarttı Garäbstannıynñ mädäniät häm mäğlümat ministrı. Qazan üze bik matur häm tolerant şähär dide. Tatarstan Prezidentı Sarayı qarşında mäçet belän çirkäwneñ yänäşä toruına soqlanuın äytte. Şul uq waqıtta bez berebez turında bötenläy az beläbez dide häm kiläçäktä küper salınırğa tieşlegenä basım yasadı. Jurnalistlarnıñ yaqın kiläçäktä ber-bersenä qunaqqa yöri başlawına şik qalmadı.

Massaküläm mäğlümat çaralarına kilgändä, alar Garäbstanda da böten illärdäge kebek ber tösle dide

Garäbstanda da massaküläm mäğlümat çaraları ictimaği-säyäsi mäsälälärne yaqtırta. Keşelärgä üz xoquqların yaqlawğa mönbär bulıp tora dide ministr. Garäbstandağı barlıq mäğlüm çaraları, yäğni gazet-jurnallar da däwlätneke tügel, ä ayırım şäxsi keşelärgä qarıy ikän.

Barı ber jurnal ğına Garäbstanda räsmi dokumentlarnı bastıra. Ä qalğannarında senzura, tikşerü bötenläy yuq ikän.

Däwlät aqçasına qarap yatqan Tatarstan mäğlümat çaraları citäkçeläreneñ bu bilgele eçlären qotıqlap quydı. Baş möxärrirlär Garäbstanga säfärlär oyıştıru turında süz quzğata başladılar. “Watanım Tatarstan” gazetası baş möxärrire Miñnazıym Säfärov jurnalistnıñ dini temağa yazğanda, ayırım neçkälelärne belep betermäwen äytte häm Garäbstan jurnalistları yärdäm itä alır ide bälki dide. Ministr Ayad Mädäni jurnalistlar arasındağı xezmättäşlekneñ kiräklegen äytte. islamofobiä turında süz quzğatılğaç Ayad Mädäni här jurnalist bu ölkädä mäğlümatlı bulırğa tieş – ekstremist ağımnar, terror törkemnär turında öyränergä tieşlegen äytte.

Älege säfär näticäse bularaq Soğud Garäbstanı häm Rusiä massaküläm mäğlümat çaraları arasında kileşü tözeler dip planlaştırıla. Şulay uq kkiläçäktä Rusiädä Garäbstan, ä Soğud Garäbstanında Rusiä mädäniät könnäre uzdıru farazlana. Monnan tış Ayad Mädäni ike il jurnalistları häm sänğät wäkilläreneñ säfäre programmasın tözemäkçe idek di

Ayad Mädäni buldı. Şulay uq ul Mäskäwdä Soğud Garäbstanı mädäni üzägen tözü buyınça söyläşülär başlanğanın äytte.

Landış Xararsova

XS
SM
MD
LG