Accessibility links

җомга, 9 декабрь 2016, Казан вакыты 20:19

Osqar Kaybıyşev eşe buyınça mäxkämä däwam itä


Ufada yäşäwçe dön'yaküläm tanılğan ğalim, Rusiä Fännär akademiäseneñ Ütä sığılmalı metallar problemaları institutınıñ elekke direktorı, akademik Osqar Kaybıyşev östennän mäxkämä eşe däwam itä. Başqortstan Yuğarı mäxkämäsendä moñarçı uzğan distädän artıq utırışta şahitlarnıñ çığışları tıñlandı. Alar siksängä yaqın keşe buldı.

Annan soñ ğäyepläwçe yaqnı tıñlaw eşläre başlandı. Soñğı utırışta Osqar Kaybıyşevka qarata moñarçı işetelmägän ğäyepläwlär dä yañğırağanlığı xäbär itelde. İmeş, akademik Qaybışewnıñ çit illärdäge xisaplarına ällä küpme aqçalar küçerelgän ikän. Ämma Osqar Kaybıyşev “Azatlıq” radiosı xäbärçese belän bulğan äñgämädä monı “cämäğätçelek fikeren yalğış yulğa kertep cibärü maqsatında, eşlängän oyatsız yalğan”, - dip bäyäläde.

Elegräk tä xäbär itelüençä, Osqar Qaybışewnı çit illärgä Rusiäneñ ike täğäyenläneştäge sänäğät texnologiälären satuda häm finans mutlıqlarda ğälyeplilär. Ä tanılğan akademik üzenä tağılğan ğäyepläwlärne kire qağa häm “bu bezneñ konkurent firmanıñ häm anıñ mänfägat'lären yaqlawçı iminlek orğannarınıñ berlektäge xösetlege, zakaz buyınça baruçı qoyı qazuı”, – dip belderä. “Azatlıq”qa da şuşı uq fikeren qabatladı ul.

Kaybıyşev – Miña qarata “çit illärgä ike täğäyenläneştäge texnologiälär tapşırğan” digän ğäyepläwlär açıqtan-açıq yalğan. Barlıq dokumentlar räsmiläşterep eşlängän fänni eşlär genä ide. İnde bu ğäyepläw raslanmadı da, ämma ğäyepläwçe yaq haman üzen östen çığarırğa tırışa

Osqar Kaybıyşev üzenä qarata tağılğan soñğı ğäyepläwlärne, ä atap äytkändä, anıñ xisabına çit il firması aşa zur külämdä aqça küçerelüen çip-çista yalğan, dip belderä. Bezneñ institutnı finans yağınnan Rusiä Fännär akademiäse dä ällä küpme tapqırlar tikşerde häm xilaflıq tapmadı, di akademik.

Kaybıyşev – İnde finans mäsälälärgä kilgändä dä miña tağılğan ğäyeplär çep-çi yalğan häm uydırma. Bezneñ institutnı ällä küpme komissiälär, ä iñ möhime – Rusiä Fännär akademiäse tikşerde. Häm bernindi urlaşu yä bulmasa, aqçanı tieşsez urınğa qullanu oçrağı açıqlanmadı. FSBnıñ ni qısılışı bar inde bu eşlärdä. Ämma bu eşne tulısınça FSBğa tapşırdılar. Bu bötenläy döres eş tügel.

Ufadağı tanılğan akademik Osqar Kaybıyşev buldı. Anıñ süzlärençä, aña tağılğan ğäyepläwlär çip-çista uydırma. “Ägär xoquq oyışmaları bu eştä döreslekne tabarğa tırışsa, minem ğäyepsez buluım tulısınça isbat iteläçäk, - di ul. - Ämma alar niçek kenä bulsa da ğäyeple ikänlegemne isbatlarğa omtıla kebek”.

Osqar Qaybışewnıñ eşe buyınça Başqorstan Yuğarı mäxkämäsendä kiläse mäxkämä utırışı 10 iyülgä bilgelängän.









XS
SM
MD
LG