Accessibility links

шимбә, 10 декабрь 2016, Казан вакыты 13:57

Başqortstanda yäşlär Sabantuyı başlandı


Başqortstanda comğa könne yäşlärneñ III töbäqara Sabantuyı başlanıp kitte. Bıyıl öçençe tapqır oyıştırılğan yäşlär Sabantuyı 2 iyülgä qädär Miäkä rayonındağı Yarlıqap awılı yanında ütä. Öç kön däwamında baraçaq yäşlär Sabantuyı şuşı töbäktä tuıp üskän kürenekle şağir häm mäğrifätçe Miftaxetdin Aqmullanıñ tuuına 175 yıl tuluğa bağışlana.

Yäşlär Sabantuyınıñ ssenariy buyınça anda millätneñ ataqlı ulı M.Aqmullanıñ yaqtı obrazın tulısınça gäwdäländerüçe bik küp çaralar qaralğan. Aqmullanıñ tormışı häm icatı, möğallimlek eşçänlege belän tanıştıruçı, şul uq waqıtta milli yolalarğa, tarixıbızğa xörmät arttıruçı tamaşalar äzerlängän bu Sabantuyğa. Älbättä inde, bu yulı da distälärçä törle sport bäygeläre dä oyıştırılaçaq millät yäşläre arasında.



Milli bäyrämgä Başqortstan rayonnarınnan häm şähärlärennän genä tügel, ä Tatarstannan, Çiläbe, Irımbur, Perm, Penza, Kurgan ölkälärennän häm başqa töbäklärdän iñ aktiv qızlar häm yegetlär kilde. Alar, ğädättägeçä, törle sport bäygelärendä genä tügel, ä cır-biyudä, milli aşlar äzerläwdä, tuğan telne, milli yolalarıbıznı, ğöref-ğadätlärne belüdä dä köç sınaşa.

Yäşlär Sabantuyı qısalarında tatar häm başqort estradası yoldızları zur konsert birä, diskotekalar oyıştıra.

XS
SM
MD
LG