Accessibility links

сишәмбе, 6 декабрь 2016, Казан вакыты 22:56

Ufada xalıqara balet festivale tämamlandı


Ufada ike atna buyı däwam itkän zur sänğät bäyräme – mäşhür balet biüçese Rudol'f Nuriev isemendäge 12 nçe xalıqara balet festivale comğa könne Ğala-konsert belän tämamlandı. Başqortstan däwlät opera häm balet teatrında zur uñış belän barğan bäyräm festivalenä noqtanı anda qatnaşqan barlıq sänğät'kärlärneñ berlektäge çığışı quydı.

Başqortstan balet sänğäte ostalarınnan tış Gala-konsertta Amerika Quşma Ştatları, Fransiä, İspaniä, Yaponiä opera häm balet teatrları artistları, şulay uq “Kreml' baletı” häm Mariin teatrlarınnan säxnä ostaları çığış yasadı.

Gala-konsert barışında festival'dä qatnaşqan balet birüçeläre bixisap cılı süzlär, qotlawlar işette. Başqortstannıñ mädäniät häm milli säyäsät ministrı İldus İleşev säxnägä menep, festival'ne oyıştıruçılarnı da, barça artistlarnı da cılı täbrikläde häm alarğa 12 nçe xalıqara balet bäyrämen şundıy matur häm yuğarı däräcädä ütkärüläre öçen zur räxmätlären citkerde.



Törle illärdän häm Rusiä teatrlarınnan kilgän artistlar isä üz çiratında Başqortstan xalqına häm Başqortstan däwlät opera häm balet teatrına ixlas räxmätlären äytte. Soñınnan qunaqlarğa istälekle büläklär tapşırıldı.











XS
SM
MD
LG