Accessibility links

сишәмбе, 6 декабрь 2016, Казан вакыты 15:09

Qazaqstanda Ğabdelräfıyq Timerbayıv qulğa alınğan


Qazaqstan başqalasınnan alınğan xäbärlärgä qarağanda, anda tanılğan üzbäk ruxanıyı, milläte belän tatar Ğabdelräfıyq Timerbayıv qulğa alınğan. Üzbäkstannan qaçırğa mäcbür bulğan Timerbayıv Berläşkän Millätlärneñ qaçaqlar idaräse aşa yün başında qaçaq statusı alğan ide. Xalıqara qanunnarda qaralğança, mondıy statusqa iä keşe polisia tarafınnan ezärleklänä almıy. BMO idaräseneñ Almatıdağı wäkile Sezär Dyubouñ üz oyışmasınıñ Timerbayıv belän oçraşırğa teläwen ütenep Qazaqstan xakimiatenä möräcäğät itüen belderde. “Timerbayıvnı qulğa alunı añlatunı sorap bez Qazaqstannıñ tışqı eşlär ministrlığına möräcäğät ittek. Alar bezgä kiläse atna başlarında cawap biräçägen äytte. Bez bu cawap uñay bulır dip ömetlänäbez”,- dide Sezär Dyubouñ. Xäzer 33 yäştä bulğan Ğabdelräfıyq Timerbayıv Äzbäkstanda abruylı din eşleklese sanala. Anda terrorğa qarşı köräş sıltawı belän ruxanílar ezärleklänä başlağaç, ul Qazaqstanğa qaçıp kitergä mäcbür bulğan ide.

XS
SM
MD
LG