Accessibility links

Кайнар хәбәр

Saylawlarda “barsına da qarşı” digän yul bulmayaçaq


Rusiäneñ Däwlät Duması öçençe- soñğı uqılışta saylaw bülletennärendäge “barısına da qarşı” digän yulnı alıp taşlaw turında qanun ölgesen qabul itte. Tübän palata spikerı Boris Grızlov fikerençä, bu yulnı alıp taşlaw “rusiälelärneñ säyäsi aktivlığın kütäräçäk”. Şulay uq, bügen öçençe uqılışta, deputatlarğa ber firqädän ikençe firqäğä küçü tıyılu turında qanun qabul itelde. Ber firqädän saylanğan deputatlar ikençe firqäğä küçkän oçraqta alar böten wäqälätlären yuğaltaçaqlar.

Däwlät Dumasında öçençe uqılışta Rusiägä torırğa häm eşkä kilergä röxsät birä torğan qanun ölgese qabul itelde. Mondıy röxsätne alu öçen ğäriza häm ilgä kerü öçen kiräkle doqumentlar da citäçäk. Kilüçelär yäşäw urının üzläre saylıy häm il buylap küçep yöri alaçaq. Yartı yıl däwamında çit il watandaşı üzeneñ kereme turında beleşmä tapşırmasa röxsät yuqqa çığarğa mömkin. Bu yaña qağıydälär Rusiä belän wiza rejimı bulmağan däwlät watandaşlarına qarıy. Yaña yıldan köçkä kerer dip uylanıla.
XS
SM
MD
LG