Accessibility links

дүшәмбе, 5 декабрь 2016, Казан вакыты 13:42

Bağdatta tağın şartlawlar buldi


Ğıyraq deputatları sönnilär, alarnıñ iptäşe azat itelmi torıp, parlament utırışlarında qatnaşmayaçaqbız, dip belderde. Sönnilärneñ iñ zur blogı “Kileşü frontı”nnan deputat Taisir äl- Mäşhadaní Bagdatnıñ şiğıylar bistäsendä şimbä könne urlandı. Yäkşämbe, kürenekle parlament ägzası, şiğıyğa höcüm oyıştırıldı. Ğıyraq başqalasında kim digändä 2 şartlaw buldı. Restoran yanında bomba quyılğan maşína şartlap 2 keşe hälaq buldı, 13 keşe yaralandı. Bu xälne kürüçe bolay dip söyläde: “Ber törkem irlär maşínadan çıqtılar häm irtänge aşnı aşarğa teläkläre barlıqnı äyttelär. Alar monda maşínaların qaldırdılar häm berniçä minuttan şartlaw buldı”,- dide bu xälne kürüçe. İkençe şartlaw uramda, kürenekle parlament ägzası, şiğıy maşínası ütkän waqıtta buldı. Deputatqa zıyan kilmäde. Anıñ ike tän saqçısı häm şul tirädä bulğan berniçä keşe yaralandı. “Äl Qäidä”neñ Ğıyraqtağı elekke başlığı Abu Musa äz-Zärqäwi möselman tärtiplären saqlap kümelde, dip xäbär itte Quşma Ştatlarnıñ xärbi citäkçelege. Käbereneñ qayda ikänlege äytelmi. Zärqäwi 7 nçe yündä amerikan köçläre bombağa totqanda üterelde. Bügen Ğıyraq xakimiatläre terrorda ğäyeplänep äzlänüçelärneñ yaña isemlegen iğlan itte. Bu isemlekkä “Äl Qäidä”neñ Ğıyraqtağı xäzerge başlığı Abu Äyüb äl-Masri, Säddam Xösäyenneñ berençe xatını häm alarnıñ zur qızları da bar. Alar ikese dä çit ildä.

XS
SM
MD
LG