Accessibility links

чәршәмбе, 7 декабрь 2016, Казан вакыты 19:18

Samarda ölkä Sabantuyı uzdı


Samar töbägendäge tatar awıllarında, Sızran, Tol''yatti şähärlärendä ber - ber artlı Sabantuylar uzdı. Baş Sabantuy Samarnıñ üzendä uzdırıldı. Samar qalasınıñ üzägendä urnaşqan Yuri Gagarin parkınıñ barlıq poçmağında tatarlar küñel açtı. Üzäk säxnädän 10 säğät däwamında konsert bardı. Zur mäydanda köne buyı olısı – keçese biede, stadion qırında köräş bardı, ä täteşlelär balalar öçen uyınnar oyıştırdılar. Gagarin parkında 40 meñgä yaqın keşe tatarnıñ Sabantuyın olıladı.

Härwaqıttağıça Sabantuyda ölkä şähär citäkçeläre söyläde, Tatarstan İlbaşı Mintimer Şäymievnıñ täbrikläwe ike teldä yañğıradı. Xalıq aldında möfti Wağiz Yärullin da notıq tottı.

Qazannan ölkä Sabantuyına cırçı, kompozitor Wäis Bäyrämov kilde.

Wäis, sin bik küp töbäklärdä Sabantuylar qarağan keşe. Samar Sabantuyı turında närsä äytä alasıñ?

Räxmät, bezne Samar yağına çaqırğan öçen. Miña Rossiä töbäklärendä, Qazaxstan, Qırğızstan, Üzbäkstan yaqlarında bulırğa turı kilde. Samar yağında berençe tapqır buldım. Uylıym, soñğısı bulmas dip. Samarda xalıq berdäm, konsert waqıtında berkem, berqaya kitmi. Bötenese çın küñeldä tıñlıylar.

Tatar xalqı yazmışında nindi qurqınıçlar yanıy bügen?

Kimçeleklär küp. Telebezne yuğaltmasqa ide. Çittä yäşäwçe oyışmalarnıñ citäkçeläre küp eşli. Balalarnı tatarça söyläşergä öyrätä alsaq, dini yolalarnı tatarça öyrätsäk - uñış kötä. Bu ata - analarnıñ wazıyfası.

Samar Sabantuyına Tatarstan respublikasınıñ Täteş rayonınnan bik zur sänğät köçläre kilgän ide. Täteşlelär konsert – tamaşa da kürsättelär, Gagarin parkınıñ stadion qırında balalarğa törle uyınnar da kürsättelär. Täteş rayonı başlığı Mansur uğlı Muxärräm İbätov belän äñgämä:

Sez köne buyı Samar tatarları arasında. Bu xalıqnıñ kiläçäge barmı?

Bügen min berençe tapqır Samarda zur bäyrämdä. Min bik şat. Tatar – möselmannar şundıy zur bäyräm uzdırırğa köç tapqaç, xalıq kiläçäkle. Samar tatarları zur baylıqqa iä. Xalıqnıñ yözendä yılmayu, ber- bersenä qaraşları bik matur. Dimäk keşelärneñ öyendä tınıçlıq, iminlek. Bu xalıq kiläçäkle.

Xalıqta yarlılıq bilgese kürenmime?

Zakon saqlawçılarnıñ az buluı küzgä taşlana. Dimäk bu xalıq tärtiple. Eçüçelär yuq. Dimäk xalıq araqı eçmi dä yal itä belä ikän. Xalıq kümäkläşep cırlıy- bii. Parknıñ qaysı poçmağına barsañ da, xalıq öç buın bergä yal itä, aynıq. Dimäk, araqısız Sabantuynı uzdırıp bula. Bik matur yal itä xalıq. Xalıq çäy eçä, aynıq kileş cırlıylar.

Miña xäzrätneñ çığışı bik oşadı. Anıñ tıynaq süzläre tä''sirle ide. Samar tatarları tärtiplege, kul''turalığı belän alda, şul küzgä taşlana.

Şamil Bahautdin, Samar

XS
SM
MD
LG