Accessibility links

якшәмбе, 4 декабрь 2016, Казан вакыты 23:22

KamAZ zavodlarınıñ citäkçese irektä


KamAZ zavodlarınıñ berendä general' direktor bulğan Xänäfi Garipov östennän mäxkämä eşe başlanuı xaqında Azatlıq radiosına berqädär mäglümätlär birgän ide. Älege eşkä axırğaça açıqlıq kerde, yäğni, Çallı mäxkämäçeläre üz süzlären äyttelär. İsegezgä töşeräm, Xänäfi Garipovqa yalğan dokumentlar belän Rusiäneñ metall satuçı kombinatlarınnan yaraqsız çimal alıp, KamAZğa 200 million sumlıq zıyan kiterüe xaqında ğäyeplänü belderelgän ide. Läkin, tikşerüçelär, ber yıldan artıq barğan tikşerü barışında Garipovnıñ ğäyeben dälilli almadılar, şuña kürä, prokuror, mäxkämä eşe aldınnan 200 million sum aqçanı üzläşterü, tuzdıru turındağı ğäyepläwdän baş tartqan ide. Şulay da, zavodnıñ salımnarın tieşle külämdä tülämägän, citäkçe wazifalarınnan yawızlarça faydalanğan öçen prokuror berençe mäxkämä eşendä Garipovqa 2 yıl koloniä - sörgen birüne taläp itkän ide. Menä küptän tügel soñğı mäxkämä utırışı ütte, ul cämäğätçelek öçen dä, jurnalistlar öçen dä yabıq buldı. Älege utırışta, aldağılarında kebek, general' direktor ber genä ğayıpläw maddäse buyınça da üzeneñ ğäyeplären tanımıy. Şulay da, aña, 1 yıl häm ike ay iregennän mäxrüm itärgä digän qarar çığarıla. Monısı, alda äytep kitelgän salım tülämäw belän bäyle. Xänäfi Garipovnıñ şuşı waqıt tikşerü izolyatorında buluın isäpkä alıp, anı mäxkämä binasınnan uq azat itälär. Xökem itelüçeneñ yaqlawçısı Konstantin Rıybalov ta matbuğat belän aralaşmıy, barı tik, mäxkämä qararın alıp, anı öyrängäç kenä, nindi dä bulsa belderü yasarğa mömkin, di. Şunısı üzençälekle, Xänäfi Garipov metallurgiä zavodınnan, general' direktor wazifasınnan kitü turında ğariza yazmağan. Dimäk, älegä qädär ul general' direktor häm anıñ alğa taba eşläw - eşlämäw mäsäläsen direktorlar şurası xäl itäçäk. Çallıda cämäğätçelekneñ iğtibarın cälep itkän tağın ber mäxkämä eşe başlandı. Monısı, "48 nçe bistä" dip atalğan cinayätçe törkem östennän. Älegä şunı ğına äytep bula, "48 nçe bistä" törkeme zamanında 200 keşegä citä, cinayätçelär bazınnan avtomatlar, pistoletlar, başqa suğış qoralları tabıla. Älegä törkem cazalarına 40 tomlıq cinayät eşe belderelä häm anda cinayätçe berläşmä oyıştıru, banditizm belän şöğellänü turında äytelä. Cinayätçe törkemdä waqıtı belän 200 keşe isäplänsä dä, ğäyepläwlär 15 keşegä belderelä. Tağın 4 keşe xalıqara ezläwdä. "48 nçe bistä" eşenä bıyılnıñ axırında açıqlıq kerep bietergä mömkin, digän farazlar bar.

Ğafiulla Ğaziz, Çallı

XS
SM
MD
LG