Çärşämbe könne Qazanğa Rusiäneñ töp xärbie Sergey İvanov kilde. Räsmi säfäreneñ berençe könendä saqlanu ministrı Qazan şähäreneñ istälekle urınnarı belän tınıştı, boralaq zavodı häm Gorbunov isemendäge aviatsiä-citeşterü berläşmäsendä buldı. İrtägä İvanov Çallığa barıp, Kamaz citäkçeläre belän kiñäşmä ütkäräçäk. Comğa könne isä ul räsmi säfären İdel buyı Federal' okrugınıñ başqa şähärlärendä däwam itäçäk. Samara, Ul'yanovsk, Sızran' şähärläreneñ saqlanu sänäğät oyışmaları, xärbi berämlekläre dä ministrnıñ iğtibarı üzägendä bulaçaq.
