Çärşämbe irtän Tönyaq Korea cidençe raketasın oçırdı. Yaponianeñ “Kyoto” yañalıqlar agentlığı xäbärendä raketanıñ töre häm oçış yünäleşe kürsätelmägän. Quşma Ştatlarnıñ maxsus xezmäte belderüençä, Tönyaq Korea tönlä altı raketa oçırğan. Bişese urta radíusqa, ä kontinent ara altınçısı birelgän yünäleştä 1 minut ta oça almağan. Raketalarnıñ barsı da Yapon diñgezenä töşkän. Raketalarnıñ cibärelüen Rusiäneñ küzätep toru xezmäte dä rasladı.
