Accessibility links

шимбә, 10 декабрь 2016, Казан вакыты 23:45

Yewropa häm İran räsmiläre oçraşuı kiçekterelde


Europa Berlegeneñ tışqı säyäsäte başlığı Javier Solanınıñ İran atom-töş idaräse citäkçese Ali Laricani belän oçraşuı pänceşämbegä küçerelde. Laricani Brüsselgä oçuın ber täwlekkä soñarttı. Bu oçraşuda yaqlar İranğa ber ay elek dönya cämäğätçelege tapşırğan täqdimnärne tikşerergä tieş.

Tährannıñ atom-töş programması tiräsendä tuğan nizağnı cayğa salu täqdimnären Berläşkän Millätlär İminlek Şurasınıñ 5 biş äğzası häm Germania äzerläde. Alar yüldä bulaçaq “Zur sigezlek” sammitına qädär İrannıñ cawap birüen taläp itä. İran xakimiäte bu täqdimnärne qaraw öçen waqıt kiräk, avgusttan da irtä bulmıyaçaq dip belderä.

Yewropa Komissiase wäkile Emma Udwin bu xälgä “Dönya cämäğätçelege tapşırğan täqdimnärgä cawap birüne suzğan İranğa Europa Berlege qänäğätsezlek belderä. Bez cawap İran xakimiate bilgelägän waqıtqa qarağanda aldanraq bulırğa tieş dip sanıybız”,- dide.

XS
SM
MD
LG