Accessibility links

җомга, 9 декабрь 2016, Казан вакыты 06:49

Çit il häm Mäskäw ğalimnären Qazan oçraştırdı


Türä - ğalimnärneñ cıyılıp söyläşüläreneñ, Qazannıñ energetika universitetında uzğan “Zamanlaşu şartlarında ilne häm töbäklärne üsterü modelläre” – isemdäge fänni-ğamäli konferensiäneñ maqsatı nidä soñ? ”- digän sorawnı jurnalistlarda, zıyalı keşelär yış birälär. Bu sorawğa Qazan däwlät energetika universitetınıñ iqtisat häm sotsial' texnologiälär institutı mödire, säyäsi fännär doktorı Nail Möxärrämov menä närsä dip cawap qaytardı: - Ber konferensiä ütkännän soñ tögäl näticä kötärgä kiräk tügel. Bu ğalimnärneñ duslıq cıyılışı. Menä küpme waqıt ütär äytä almıym, şuşı cıyında qatnaşqan fän keşeläreneñ çığışların kertep dönyaküläm kitap çığarırğa ömetlänäbez Fän keşeläre cıyında Rusiä häm Tatarstannı zamanlaştıru üzençälekläre, millätlär arasındağı kierenkelekne kisätü, däwlätneñ milli säyäsäte, belem birü üzençäleklärenä qarağan mä’sälälärne kütärälär. Töbäklärdä mäğärif cirlegendäge üzgäreş şartlarına, mädäniätkä, tel häm dinneñ bügenge xälenä dä üzlärençä bäye birälär. Oyıştıruçılar äytüençä, bu fänni-ğamäli konferensiädä qatnaşuçı ğalimnär, qunaqlar ike törgä bülenä. Alarnıñ ber öleşe Rusiäneñ törle universitetlarınıñ, akademik oyışmalarnıñ ğalimnäre. Bu fän eşlekläre Kennan institutı belän tığız elemtädä toralar häm kübese Vaşingtonğa barıp zamanında fänni-tikşerü eşe belän şöğellängännär. Şul uq bez aralaşaçaq Leokadiä Drobijeva häm Emil' Pain da. Alar ikese dä Rusiä fännär akademiäse äğzaları. İkençeläre Qazanlılar, törle oyışma wäkilläre, äytik däwlät şurasınnan, prezident xakimiätennän, şäxes xoquqın yaqlawçı oyışma wäkilläre, säyäsätçelär. Konferensiädä çığış yasawçı tanış isemnärdän: Rafail Xäkimov, Damir İsxaqov, Marat Gәliev, Mixail Stolyarov häm başqalar. Konferensiädä qatnaşqan säyäsi fännär doktorı, Rusiäneñ yuğarı iqtisat mäktäbe professorı Emil' Pain ğomüm däwlät säyäsäten öyränä. “Azatlıq”qa ul menä närsälär söyläde: - Älege cıyılış närsäse belän üzençälekle digändä, monda ğalimnär bergä jıyelıyp fiker alışalar, ber-bersen kürep söyläşälär, bäxäsläşälär. ul inde 11 yıl ütkärelep kilä. Rusiäneñ törle şähärlärendä cıyılabız. Bu yulı bez menä Qazanda cıyıldıq. Monda törle yünäleş buyınça eşläwçe ğalimnär cıyıldı. Bu törle il ğalimnäreneñ duslıq mönäsäbätlären nığıtuçı çara da bulıp tora. Alar monıñ belän üzläreneñ ber berläşmädä buluların da dälillilär.

XS
SM
MD
LG