Accessibility links

Кайнар хәбәр

Gaza Sızığında yaña qatı bäreleşlär buldı


Ğaza Sızığınıñ tönyağında Fälästin suğışçıları belän İzrail xärbiläre arasında qatı bäreleşlär buldı. Bäyet Läxem şähärendäge suğışta fälästinneñ ike suğışçısı üterelde.

Uzğan tön İzrail ğaskärläre tanklar yärdäme belän Ğaza Sızığınıñ tönyaq öleşenä kerde. Tanklar yähüdilärneñ elek öç awılı bulğan urınnı biläde. Fälästin suğışçıları İzrail cirendäge Aşkelon şähären öç tapqır raketa utına totqaç İzrail tanklar belän kerde.

Ğaza Sızığınıñ könyağında İzrail xärbi hawa köçläre fälästin suğışçıları törkemen raketa utına tottı. İkäw üterelde, berniçäse yaralandı.

İzrailneñ xärbi ştabı başlığı İdo Nexuştan “Bu operasianeñ maqsatı raketa höcümenä cawap. Min soñğı ike ay eçendä İzrail cirlärenä raketa cibärelgän urınnarnı küz aldında totam. Bez bu raketalarnı cibärüçe terrorçılarnı häm cibärü urınnarın yuq itergä tieş”,- dide.
XS
SM
MD
LG