Accessibility links

шимбә, 10 декабрь 2016, Казан вакыты 09:59

Altay Tatarstanğa ni öçen räxmätle?


Tatarstannıñ başqa töbäklärgä, ul töbäklärneñ respublikağa büläk-mazar birülären yış işetergä bula. Ni disäñ dä, tuğan-tumaça, tanış-beleşkä qunaqqa barğanda küçtänäç alıp barğan kebek respublika wäkilçelekläre ber-bersenä buş qul belän yörmilär. Altayda da Tatarstannıñ däwlät şurası räise Färit Möxämmätşin citäklägän wäkilçelek tä Mintimer Şäymiev täqdime belän quyılğan “Altay – Yevraziä bilgese” –dip atalğan istälek bilgesen açtılar, büläk ittelär disäk tä bula. Tegelärgä bu ikelätä bäyräm buldı, Tatarstan wäkilçelege dä altay xalqınıñ Rusiägä quşıluına 250 yıl tulunı altaylılar belän bergä bäyräm itte. Bu tantanada Altay respublikası başlığı Aleksandr Brednikov, şul uq respublikanıñ däwlät cıyını – Äl Qorıltay räise İvan Belekov, Altaydan Rusiäneñ federatsiäse şurası äğzası Rälif Safin kebek qunaqlar buldı dip xäbär itä “İnternat.ru” mäğlümat saytı. Tatarstannan kemnär bulğan soñ digändä, wäkilçelekne citäklägän keşene äyttek inde, şunnan anda Tatarstan prezidentıñ säyäsi mäs'älälär buyınça kiñäşçese Rafail Xäkimov, respublikanıñ mädäniät, milli mäs'älälär kommitetı räise Razil Wäliev, Bötendönya tatar kongressı başqarma komitetı räise Rinat Zakirov. Şulay uq Altay töbägeneñ milli-mädäni möxtäriät keşeläre qatnaşa. Bu isemnärne bez yış işetteräbez. Süz bit bu keşelär turında tügel, ä Tatarstannıñ Altayğa birgän küçtänäçe turında ide. Ul istälek bilgesen Tatarstan prezidentı eşlärgä täqdim yasağaç, “Tateneğo” berläşmäse belän “Zenit” bankı tağın qayber şäxsi zatlar aqça yağın qayğırta. Şunnan istälek bilgesen Säyär Aydarovnıñ icat ostaxanäse arxitektorları proyektı buyınça “Pifagor” fänni-citeşterü berläşmäsendä dönyağa kilä. İstälek bilәge tağın şunıñ belän dä üzençälekle, anıñ 9 metrlı stellasında rus, altay, borınğı törki tellärendä “Kiläçäk buınnarğa yullama” yazılğan ikän. Anda mondıy süzlär kiterelä: “ Bez bu istälek bilgesen Taw Altayında – borınğı qabilälär däwlät eşlären xäl itärgä cıyınğan, arğamaqlarğa atlanıp batırlar yauğa kitkän, istälekle waqiğalar uñayınnan xalıq bäyräm itkän urında quydıq. Biredä törki sivilizatsiäse başlanğıç ala. Kiläçäk buınnar, üz tamırlarığıznı istä totığız, babalarıbız qılğan ğämällär belän ğorurlanığız häm üzegez yörtkän isemgä layıq bulığız…” Bu Tatarstan yasap Altayğa quyğan, büläk itkän istälek bilgesendäge süzlär ide. Mondıy qimmätle büläk öçen Altay respublikasınıñ küñele bula. Ul Tatarstan prezintına çın küñeldän räxmätlären äytä, räxmätkä östäp Tatarstan belän Altay xalqı ber-berse belän aralaşuçan tatu häm kileşep yäşäyäçägenä ışanıçın da belderä. Bäyrämdägelärgä Tatarstan isemennän Färit Möxämmätşin dä: “Xörmätle Altay xalqı, duslar, tuğannar !” – süzen başlıy. Annan ul “Bäyräm büläksez bulmıy, bez sezgä şuşı istälek bilgesen alıp kilergä buldıq. Anı respublika ostaları belän Taw Altayı ostaları bergä icat itte” – dip tä östi. Menä şundıy xällär, tatarlar törki sivilizatsiäse başlanğıç alğan cirgä, Altay respublikasına büläk yasıylar. Ä tegelär räxmät äytep, üzläre teläp Rusiä quşıluların bäyräm itälär. Röstäm İsxaqi

XS
SM
MD
LG