Italiä Germaniäne yarım finalda ciñgän könne Germaniädä 800 keşe yöräk öyänäge belän xastaxanägä eläkkän dilär. Berlinda tönnä futbol uyınınnan soñ öyenä qaytıp barğan avtobus yörtüçesenä ber yulçı başına sıra şeşäsen tondırğan. Salıp alğan can atarğa ayıq keşeneñ – Germaniä çınnan da äybät uynamadı digän süzläre oşamağan. Yaralanğan avtobus yörtüçese kontrolne yuğaltıp yul buyında torğan Mercedes maşinasına kilep bärelgän.
Fransiä ciñgän könne bäyräm itte. İl buylap muzıka, biyülär, hawağa feyerverklar atu tañ atqançı däwam itte.
küplärdän "Zidan, Zidan" digän ber genä isemne işetep bula ide. Fransiäne finalğa çığarğan tupnı Portugaliä qapqasına uynnıñ 33nçe minutında tanılğan futbolçı Zinedine Zidan kertte. Xalıq anı yaratıp Zizu dip atıy ikän:
"Zizu – böyek keşe, bez anıñ yaqlı, menä şunı äytäsem kilä. Min anı qotlıym, ul üz ile häm Fransiäneñ ğorurlığı," dide Parij uramında Abdel isemle can atar.
Näq şundıy uq xälneñ bulğanı bar inde. 6 yıl elek Zidan Yevropa Berençelegendä penalty''da tupnı Portugaliä qapqasına kertkän ide. Näticädä Fransiä finalğa da çıqtı, Yevropa çempionı da buldı. Bıyıl niçek bulır – kötergä sanawlı säğätlär genä qaldı. Yäkşämbe finalınıñ näticäse nindi buluğa qaramastan dönya buylap Zidannıñ meñlägän canatarı yaratqan futbolçıların qarar öçen stadionnarğa, ekrannar quyılğan uramnarğa yäki televizorlar qarşına cıyılaçaq. Çönki 34 yäşlek çığışı belän Aljirdan bulğan mäxäbbät futbolçı Zinedine Zidan bu dönya berençelegennän soñ futboldan kitüen iğlan itte. Häm anıñ zur futboldağı soñğı uyını Fransiägä ciñü dä kitersä – tanılğan uynınçı üz karyerasınıñ iñ yuğarı noqtasında bulaçaq... Şulay itep Fransiäneñ danın arttıruğa törle millät häm törle din keşeläre üzläreneñ zur öleşen kertä. Futbol – irlär şöğele diyüçelär inde küptän modada tügel. Çibär irlär öçen televizor ekrannarı yanında xatın-qızlar can ata. Xatın-qızlar arasında – futbol uyınına küp aqçalar birelügä borçılu belderüçelär bar. Rusiäneñ dönya berençelegenä çığa almawına da xatın-qızlar borçıla. Alar arasında tatar futbolçıları da bula alır ide, dilär. Futbolnı şul qadär üstergänçe – baletqa kübräk iğtibar birsälär bulmas ideme digän soraw quyuçılar bar.... Qazandağı xäbärçebez Landış Xarrasova tatar xatın-qızlarınnan alarnıñ futbol turındağı fikerlären beleşte. (Azatlıqnıñ şimbä tapşıruında)
Alsu Qormaş
küplärdän "Zidan, Zidan" digän ber genä isemne işetep bula ide. Fransiäne finalğa çığarğan tupnı Portugaliä qapqasına uynnıñ 33nçe minutında tanılğan futbolçı Zinedine Zidan kertte. Xalıq anı yaratıp Zizu dip atıy ikän:
"Zizu – böyek keşe, bez anıñ yaqlı, menä şunı äytäsem kilä. Min anı qotlıym, ul üz ile häm Fransiäneñ ğorurlığı," dide Parij uramında Abdel isemle can atar.
Näq şundıy uq xälneñ bulğanı bar inde. 6 yıl elek Zidan Yevropa Berençelegendä penalty''da tupnı Portugaliä qapqasına kertkän ide. Näticädä Fransiä finalğa da çıqtı, Yevropa çempionı da buldı. Bıyıl niçek bulır – kötergä sanawlı säğätlär genä qaldı. Yäkşämbe finalınıñ näticäse nindi buluğa qaramastan dönya buylap Zidannıñ meñlägän canatarı yaratqan futbolçıların qarar öçen stadionnarğa, ekrannar quyılğan uramnarğa yäki televizorlar qarşına cıyılaçaq. Çönki 34 yäşlek çığışı belän Aljirdan bulğan mäxäbbät futbolçı Zinedine Zidan bu dönya berençelegennän soñ futboldan kitüen iğlan itte. Häm anıñ zur futboldağı soñğı uyını Fransiägä ciñü dä kitersä – tanılğan uynınçı üz karyerasınıñ iñ yuğarı noqtasında bulaçaq... Şulay itep Fransiäneñ danın arttıruğa törle millät häm törle din keşeläre üzläreneñ zur öleşen kertä. Futbol – irlär şöğele diyüçelär inde küptän modada tügel. Çibär irlär öçen televizor ekrannarı yanında xatın-qızlar can ata. Xatın-qızlar arasında – futbol uyınına küp aqçalar birelügä borçılu belderüçelär bar. Rusiäneñ dönya berençelegenä çığa almawına da xatın-qızlar borçıla. Alar arasında tatar futbolçıları da bula alır ide, dilär. Futbolnı şul qadär üstergänçe – baletqa kübräk iğtibar birsälär bulmas ideme digän soraw quyuçılar bar.... Qazandağı xäbärçebez Landış Xarrasova tatar xatın-qızlarınnan alarnıñ futbol turındağı fikerlären beleşte. (Azatlıqnıñ şimbä tapşıruında)
Alsu Qormaş