Accessibility links

чәршәмбе, 7 декабрь 2016, Казан вакыты 13:27

Bolğarğa säyäxät itüçe Başqortostan tatarları Qazanda buldı


7 iyül könne Qazanğa Başqortstannan ber törkem icat ähelläre kilä. Yıl sayın alar su yulı buylap "Yuri Gagarin" teploxodında İdel yarında urnaşqan böyek Bolğar şähärenä bara. Bıyılğı "Bolğarğa säyäxät" respublikara mädäni-ağartu programması inde 14-nçese.Ufa – Dürtöyle – Sergeevka – Çabaqsar – Bolğar – Qazan – Çallı – Ufa marşrutı buyınça uza älege çara

Aq teploxodqa töyälep, İdel buylap säyäxätkä çığunı “Ramazan” oyışması berençe tapqır ğına oyıştırmıy. Bu Bolğarğa säyäxät dip atala. Bıyıl, Yuri Gagarin dip atalğan teploxodta 150 keşe säfärgä çıqqan. Marat Şärapov, şuşı Ramazan mädäni –ağartu toyışmasınıñ citäkçese, bıyıl säyäxätkä Başqortstandağı çuaşlarnı da alğan. Ä ğädättä anda tatar zıyalıları, başqortlarnıñ qayber wäkilläre kilä ide. Säyäxätneñ yılda ber bizäge bula. Ul kürenekle keşelär. Yıl sayın anda tatar-başqort sanduğaçı Färidä Qudaşeva qatnaşa. Säfär yılda ber keşe xörmätenä oyıştırıla. Mäsälän, elegräk yıllarda Ämirxan Yeniki xörmätenä oyıştırılğanın äle dä iskä alıp söylilär. Tere klassik belän un könläp ber palubadan atlap yörü ni tora bit ul. Ä bıyılğısı Tufan Miñnullin xörmätenä oyıştırılğan ide. Comğada Bolğar, Çabaqsar işe İdel buyındağı şähärlärne gizep, säyäxätçelär Qazanğa kilep cittelär. İrtänge yaqta kiçke dürtlärgä qädär Qazan belän tanıştılar. Ä kiçke yaqta Qazandağı tatar zıyalıları belän oçraştılar. Yazuçılar Marsel Ğaliev, razil Wäliev, Gäräy Räxim, İlfaq İbrahimov, häm başqa kürenekle zıyalılar qatnaşı anda. Cıyılışnı säyäxätne oyıştıruçı Marat Şäripov açtı

Annan süzne Tufan Miñnullin aldı.

Räzil Wäliev ta, Marsel Ğaliev ta süz tottılar. Älege oçraşu mizgele cırlar, muzıka belän ürelep aldı. Tatar kongressı üzeneñ büläklären tarattı. Rinat Zakirov, kongress räise dä çığış yasadı.

Bu oçraşudan soñ, säyäxätçelär Ufağa qaytıp kittelär. 2 iyündä başlanğan säyäxät 10 sında tämamlanaçaq

Räfis Cämdixan

XS
SM
MD
LG