Ğiraq başqalasında häm anıñ qırıyındağı sönnilärneñ öç mäçetendä şartlawlar buldı. Şartlawlarda kim digändä 9 keşe ülde. Ülüçelär arasında xatın-qızlar häm balalar da bar. Tağın 8 keşe yaralandı. Şartlawlar comğa namazın uqıp mäçettän çıqqan waqıtta buldı.
Bağdadnıñ şiğıylar bistäsendä radikal imam Moqtada äs-Sadr yaqlı şiğıy baş kütärüçelär belän Ğiraq häm amerikan xärbiläre arasında bulğan atışlar waqıtında kim digändä 7 keşe üterelde, 30-lap keşe yaralandı.