Yaponia başqalasında Äfğanstandağı tınıçlıq problemalarına bağışlanğan 4 könlek xalıqara cıyın tögällände. Yomğaqlaw matbuğat oçraşuında Äfğanstan prezidentı Xämit Qarzay “Äfğanstanda qoral qullanu artunıñ 2 säbäbe bar. Berençese - däwlät tarmaqlarınıñ, bigräk tä politsianeñ, ayırım alğanda awıl cirlärendä, yomşaq buluı. Şulay uq tışqı säbäplär dä bar. Ğısyançılar Äfğanstanğa çit illärdän höcümnär oyıştıra. Alarnıñ anda öyränü üzäkläre bar, alarnı qorallandıralar, finanslıylar häm Äfğanstanğa cibärälär”, - dide.
Qarzay ilne torğızuda bulışqan ximayaçelärgä räxmät belderde. Häm alğa taba da terror häm narkotik satuğa qarşı köräşü öçen Qabulğa bulışıp torırğa çaqırdı.
