Qotqaruçılar İrkutskida oçqıç hälakätendä hälak bulğan 120-läp keşeneñ mäyeten taptı. Xäbärlärgä qarağanda isän qalğan 54 keşe xastaxanägä salınğan. Airbus-310 oçqıçı Mäskäwdän kilep İrkutski hawa alanına töşep utırğanda cimerelde. Oçqıç töşep utırğanda beton qoymanı cimerep çığıp yaqındağı binalarğa kilep bärelgän.
Hawa alanında yanında keçkenä xosusıy garajı bulğan ber şahit, Mixail Yegerev "İrtänge sigezlärdä bärelgän tawış işettem, cir selkende. Çığım qarasam töten häm oçqıçnıñ qoyrığı kürenep tora. Min oçqıçlarnı beläm, şunda uq anıñ Airbus buluın añladım. Ä andağı kooperativta minem garajım bar. Min şunda yögerdem. Anda inde qorımğa buyalğan, yaralanğan, yanıp peşkän keşelär çığa ide. Min ayağı sınğan ber xatınnı xastaxanägä iltergä bulıştım" dide.
Törle xäbärlärgä qarağanda oçqıçta 8 xezmätkär, häm 192-yäki 193 yulçı bulğan. İsän qalğannarnıñ berse söylägännär turında Yegerev "Oçqıç baykal yağınnan töşkän. Min ber yulçıdan soradım. Oçqıç töşep utırğaç tuqtamıyça barğan. Annan soñ ul oçqıç eçendä yalqın çıqtı, annan soñ qoymağa bärelde dide" dide.
Oçqıçtağı yulçılarnıñ kübese Baykal külenä cäyge yalğa baruçı balalar bulğan.
Prezident Putin qaza säbäplären tikşerergä färman birde häm qorbannarnıñ tuğannarınıñ häm yaqınnarınıñ qayğıların urtaqlaştı.
Transport ministrı İgor Levitin äytüençä, oçuçıçlar oçış idaräse bülegenä başta uñışlı töşep utırdıq dip xäbär itkännär annan soñ kötmägändä radio elemtäse özelgän. Anıñ äytüençä yañğır yawıp ütkännän soñ hawa alanı yüeş bulğan, ämma hälakätneñ säbäbe älegä bilgesez.
Räsmilär äytüençä, oçış turında mäğlümätlär tuplap baruçı 2 qara tartma tikşerü öçen Mäskäwgä cibärelgän.
Airbus şirkäte tikşerügä yardäm itü öçen Rusiägä üz wäkillären cibärüe turında belderde. 220 urınlı bu oçqıç 1987-nçe yılda yasalğan, barlığı 52 meñ säğät oçqan. 10 meñnän artıq oçış yasağan.
Bu qaza soñğı 12 yılda İrkutskida bulğan 4-nçe oçqıç qazası.
1994-nçe yılda Tu-154 oçqıçı İrkutskidan kütärelgändä qazağa oçrap 124 keşe hälak buldı. 1997-nçe yılnıñ dikäberendä An-124 xärbi yök oçqıçı İrkutskinıñ keşelär yäşägän öleşenä töşep cimerelüdän 72 keşeneñ ğömere özelde. 2001-nçe yılnıñ yülendä İrkutski hawa alanı yanında Tu-154 oçqıçı cirgä töşep cimerelde. Oçqıçtağı 145 keşedän berse dä isän qalmadı.
Rusiädä bu Airbusnıñ ikençe hälakäte. May ayında Ärmänstannıñ 113 yulçı utırtqan, Yerevannan Soçiğa kilüçe Airbus A-320 oçqıçı naçar hawa şartlarında hawa alanına töşärgä mataşqanda Qara diñgezgä töşep cimerelde. Oçqıçtağılarnıñ barsı da hälak buldı.
Naif Aqmal, Praga.
Hawa alanında yanında keçkenä xosusıy garajı bulğan ber şahit, Mixail Yegerev "İrtänge sigezlärdä bärelgän tawış işettem, cir selkende. Çığım qarasam töten häm oçqıçnıñ qoyrığı kürenep tora. Min oçqıçlarnı beläm, şunda uq anıñ Airbus buluın añladım. Ä andağı kooperativta minem garajım bar. Min şunda yögerdem. Anda inde qorımğa buyalğan, yaralanğan, yanıp peşkän keşelär çığa ide. Min ayağı sınğan ber xatınnı xastaxanägä iltergä bulıştım" dide.
Törle xäbärlärgä qarağanda oçqıçta 8 xezmätkär, häm 192-yäki 193 yulçı bulğan. İsän qalğannarnıñ berse söylägännär turında Yegerev "Oçqıç baykal yağınnan töşkän. Min ber yulçıdan soradım. Oçqıç töşep utırğaç tuqtamıyça barğan. Annan soñ ul oçqıç eçendä yalqın çıqtı, annan soñ qoymağa bärelde dide" dide.
Oçqıçtağı yulçılarnıñ kübese Baykal külenä cäyge yalğa baruçı balalar bulğan.
Prezident Putin qaza säbäplären tikşerergä färman birde häm qorbannarnıñ tuğannarınıñ häm yaqınnarınıñ qayğıların urtaqlaştı.
Transport ministrı İgor Levitin äytüençä, oçuçıçlar oçış idaräse bülegenä başta uñışlı töşep utırdıq dip xäbär itkännär annan soñ kötmägändä radio elemtäse özelgän. Anıñ äytüençä yañğır yawıp ütkännän soñ hawa alanı yüeş bulğan, ämma hälakätneñ säbäbe älegä bilgesez.
Räsmilär äytüençä, oçış turında mäğlümätlär tuplap baruçı 2 qara tartma tikşerü öçen Mäskäwgä cibärelgän.
Airbus şirkäte tikşerügä yardäm itü öçen Rusiägä üz wäkillären cibärüe turında belderde. 220 urınlı bu oçqıç 1987-nçe yılda yasalğan, barlığı 52 meñ säğät oçqan. 10 meñnän artıq oçış yasağan.
Bu qaza soñğı 12 yılda İrkutskida bulğan 4-nçe oçqıç qazası.
1994-nçe yılda Tu-154 oçqıçı İrkutskidan kütärelgändä qazağa oçrap 124 keşe hälak buldı. 1997-nçe yılnıñ dikäberendä An-124 xärbi yök oçqıçı İrkutskinıñ keşelär yäşägän öleşenä töşep cimerelüdän 72 keşeneñ ğömere özelde. 2001-nçe yılnıñ yülendä İrkutski hawa alanı yanında Tu-154 oçqıçı cirgä töşep cimerelde. Oçqıçtağı 145 keşedän berse dä isän qalmadı.
Rusiädä bu Airbusnıñ ikençe hälakäte. May ayında Ärmänstannıñ 113 yulçı utırtqan, Yerevannan Soçiğa kilüçe Airbus A-320 oçqıçı naçar hawa şartlarında hawa alanına töşärgä mataşqanda Qara diñgezgä töşep cimerelde. Oçqıçtağılarnıñ barsı da hälak buldı.
Naif Aqmal, Praga.