Gaza Sızığında İzrailneñ fälestin suğışçıları utırğan maşinağa atqan raketası yalğış başqa urınğa töşep ber sivil keşene üterde.
Fälestin räsmiläre äytüençä yaqında bulğan tağın 4 keşe yaralanğan.
İzrail xärbiläre ul raketa Rafah şähäre yanındağı terrorçılar törkemenä atıldı häm ber keşe ülgängä oxşıy dip belderde.
2 atna elek Fälestin suğışçıları İzrailneñ ber xärbien totıq itep alğannan soñ 28-nçe yündä İzrail ğäskärläre anı qotqarabız dip Gaza Sızığına kerde.
BMO räsmiläre bu xärbi çaranıñ däwam itüe humanitar qazağa kiterergä mömkin dip kisätä.
